Ерлік даңқы орындарына саяхат: патриоттық фотосессия
2016 жылдың 17 мамырында мүмкіндігі шектеулі жандарға арналған «Объектив» фотоклубының мүшелері «Ерлік даңқы орындарына саяхат» атты патриоттық фотосессия ұйымдастырылды.
Аталмыш шара Ұлы Жеңістің 71 жылдығына арналып, ашық аспан астында орналасқан әскери техника мұражайында өткізілді. Қатысушылар мұражайдың құрылу тарихымен танысып, қойылған экспонаттар: танк, БТР, зеңбірек пен минометтерді аса бір қызығушылықпен суретке түсірді.
Фотоклуб мүшесі Александр Чуркин тек қана әуесқой фотограф емес, сондай-ақ әскери техниканың білгірі болып шықты. Ол Ұлы Отан соғысы кезіндегі танктер мен қазіргі замандағы танктер құрлысы жайлы өте қызықты әңгімелеп берді.
Абай атындағы кітапхана қабырғасында құрылған фотоклубтың танымалдылығы артып, клуб мүшелері «Забота» бағдарламасы бойынша тәрбиеленушілерімен толықты.