Елбасы – кемеңгер көшбасшы: дәстүрлі өнер шеруі

25 қараша күні Абай атындағы кітапхананың «Поэзия бұлағы» ақындар клубы ҚР тәуелсіздігінің 25 жылдығына арналған «25 жұлдызды күн» шеңберінде 1 желтоқсан – ҚР Тұңғыш Президент күніне «Елбасы – кемеңгер көшбасшы» атты дәстүрлі өнер шеруін өткізді.

Шараның жыр пердесі «Қазақ елі» әнімен ашылып, кезек ақындар айтысына берілді. Жас та болса көпшілік көңілінен шығып, көзге түсіп жүрген суырып салма ақын Х.Самидова мен А.Жеңісқазин гүлденіп келе жатқан болашақ жайында өз ойларын ортаға сала отырып, көпшілікке атадан қалған дәстүр қыз- жігіт айтысы үлгісін көрсетсе, Ерасыл Сәрсенбай мен Іңкәр Әділхан Тәуелсіздік пен елдікті тілге тиек етіп, айтыс өнерінің шыңының биік екендігін тағы бір мәрте дәлелдеді.

Мәдени шараға Семей қаласы ақындар орталығының жетекшісі Серік Молдабеков өз шәкірттерімен келді. Жас ақындар: Ә.Тоқтамыс, Н.Мырзаханова, Ж.Қамшыгер, Н.Орынбаев, Е.Қабыкенов, Қ.Смағұлова, Қ.Бақырбаев, Б.Бейсенбек, А.Ғиззитова, Ү.Итжанова, А.Тоқтарболатова, Г.Асфандиярова, Г.Жакина, С.Қалиолда, Е.Омарғалиев, Н.Мұратқали, Қ.Еркін және т.б. жеткіншектер Қазақстанға, Елбасына арнап жыр шумақтарын оқып ортаға салды.

Шара соңында жыл бойы өздерінің ақындық шеберліктерін көрсетіп, іс-шараларға белсене қатысып жүрген жас ақындарға кітапхана атынан алғыс хаттар мен сыйлықтар тарту етілді.