Тілім менің ғасырлардан аманат: интеллектуалды викторина

20 қыркүйек күні Абай атындағы кітапхана қызметкерлері Қазақстанның тіл күні мерекесіне арнап қалалық №8 балалар үйінің тәрбиеленушілеріне «Тілім менің ғасырлардан аманат» атты интеллектуалды викторина  өткізді. Ана  тіліміздің қадір- қасиетін ұғындыру, туған тіліміздің тұғырының мықты болуына негіз қалаған бабаларымыздың айтқандарын оқып үйрену, тілді ұлттық мұра ретінде қадірлеуге үйрету, оқырмандардың тез ойланып, еркін сөйлеуге баулу мақсатында ұйымдастырылған шара сайыс түрінде өтті.

Шараға қатысушы балаларға әр түрлі викториналық ойындар ойнатылып, тілге байланысты көптеген сұрақтар қойылды. «Сен өз Отаныңды білесің бе?», «Тіл туралы мақал мәтелдер», «Аудармашы», «Ақылды және ақылдылар» атты сайыста балалар өз білімдерін  көрсетіп, белсенділік танытты. Шараның соңында балалар үйінің кітапхана менгерушісі  Попова Любовь Анатольевна оқушылардың тіл туралы көптеген мәліметтер алғанын,  өткізілген шараның маңызды екенін, Ана тіліміздің мәртебесі асқақтай берсін – деп, кітапханашыларға алғысын білдірді.