Жидебайдың жұлдызды даласы – Звездная степь Жидебая: кітаптың тұсаукесері
«Рухани жаңғыру» бағдарламасы аясында Шығыс Қазақстан облыстық Абай атындағы кітапханасында ШҚО Қоғамдық кеңесінің рухани келісім бойынша эксперттік жұмыс тобымен және ҚҚ «Менің қалам», «Звено Алтая» облыстық әдеби бірлестігімен 23 қараша күні өскемендік жазушы әрі өлкетанушы Борис Щербаковтың «Жидебайдың жұлдызды даласы» – «Звёздная степь Жидебая» кітабының тұсаукесерін өткізді.
Борис Щербаковты жерлестері биология ғылымдарының докторы, Қазақстан Республикасының Жазушылар одағының мүшесі, Шығыс Қазақстан облысы әкімінің арнайы сыйлығының лауреаты, білгір орнитолог ретінде таниды.
Өлкетанушы кітапты жазу үшін Абай ауданындағы ұлы ақынның туған жерін аралап, «Абай-Шәкәрім» мемориалдық кешенін бірнеше жыл бойы зерттеген. Автор кітабында Жидебай елі мен жерінің қасиетін, тарихын, Қазақстанды бүкіл әлемге танытқан әйгілі адамдары туралы жеткізе әңгімелеген. Жидебайдың көрікті табиғаты, ұлы ақын туып-өскен мекеннің киелі орындары ерекше суреттелен. Кітаптың әр бөлімі Жидебай туралы қызықты мағлұматтар беріп, оқырманды осы қасиетті мекенге жақындата түседі.
Автор өз кітабында жалғыз ақынның ғана өміріне тоқталып қалмай, қазақ атын әлемге паш еткен, осы өңірдің тумалары туралы да жазып өткен. Кітаптың әр тарауы Абай Құнанбайұлының өмірі туралы керемет сыр шертіп, Жидабай өңірінің қасиетті мекен екенін паш ете түседі. Шара барысында Қалалық мәдениет сарайының директоры «Мәдениет саласының үздігі» Нүриден Иманбаев Г.Саринаның «Абай салған әуелет сол бір әнді» әнін орындаса, әнші Жанболат Шарипов Абай әндерінен попури орындап, шараның мазмұнын аша түсті.
Тұсаукесерге «Восток-Печать» баспасының авторлық ұжымы, қала және мектеп кітапханаларының кітапханашылары, мәдениет қызметкерлері, жазушылар, студенттер қатысты. Шара соңында автор кітапханамызға өзінің «Восточный Казахстан. Сердце Евразии», «Жидебайдың жұлдызды даласы», «Звёздная степь Жидебая» кітаптарын, ал «Звено Алтая» облыстық әдеби бірлестігі қала кітапханаларына, мұражайларға шығысқазақстандық авторлардың кітабын сыйға тартты.
