2018 жылы өлке бойынша атаулы күндер: ақпарат күні

2 ақпан күні Абай атындағы кітапханада Семей қалалық көпсалалы колледж  оқытушылары мен студенттері үшін «2018 жыл: өлке бойынша  атаулы күндер» атты  ақпарат күні өткізілді.

Шарада үстіміздегі жылы аталып өтілетін тарихи оқиғалар мен еліміздің экономикасы мен мәдениетінің дамуына ерекше үлес қосқан  танымал тұлғалардың ғибратты ғұмыр жолдары мен шығармашылықтары туралы мазмұнды ақпараттар берілді.

Атап айтқанда: ақын, ойшыл Шәкәрім Құдайбердіұлының туғанына 160 жыл, қазақ өнер сахнасының  саңлағы, әнші Әміре Қашаубаевтың туғанына 130 жыл, Семей қаласының іргетасы қаланғанына 300 жыл т.б. мерейгерлер туралы слайд көрстетілімі арқылы таныстырылды. Сыршыл да әуезді әнімен халық жүрегіне жол тапқан, әнші, актер, ақын, сазгер Болат Сыбанов туралы виртуалды көрме (http://abaybib.kz/music/) шара қатысушыларының қызығушылығын тудырды. Қатысушылар тарапынан сөз алған ұстаз өлке туралы пайдалы ақпараттар алғандығына ризашылықтарын білдірді.