Миыңды шынықтыр: BookChallenge

  • 07.02.2018

7 ақпан мен 18 сәуір аралығында Абай кітапханасы оқуды, жаңа дүниелерді үйренуді және өз білімінің көкжиегін кеңейтуді ұнататын жандар үшін «Миыңды шынықтыр» атты BookChallenge жариялайды. Әртүрлі жастағы оқырмандарды жобаға белсене қатысуға шақырады. Жеңімпаздарға демеушілеріміз ұсынған «TYTAN GYM» жаттығу залына бір айлық абонемент, «Некафе Семей» тайм-кафесіне екі сертификат, «Дастан» кинотеатрының 2 билет сынды арнайы сыйлықтарымыз бар.

     Жобаның негізгі мақсаты: оқуға және кітаптарға деген сүйіспеншілікті арттыру;        кітап оқуға ынталандыру; әдебиеттерге деген қызығушылық тудыру. Жобаға қатысу қызықты әрі оңай. Кітапхана қорындағы сұранысқа ие кітаптардың арасынан ТОП-25 кітап таңдалып алынды, бұл кітаптарды біздің кітапханадан немесе интернет желісінен алып оқи аласыздар: 1. Оралхан Бөкей «Біздің жақта қыс ұзақ», 2. Әзілхан Нұршайықұлы «Махаббат, қызық мол жылдар», 3. Эльчин Сафарли «Расскажи мне о море», 4. Рэй Брэдбери «Вино из одуванчиков», 5. Сайын Мұратбеков «Жабайы алма», 6. Эдгар По «Убийство на улице морг», 7. Қабдеш Жұмаділов «Соңғы көш», 8. Роберт Кийосаки «Богатый папа, бедный папа», 9. Эрих Мария Ремарк  «Три товарища», 10. Төлен Әбдікұлы «Парасат майданы», 11. Дулат Исабеков «Әпке», 12. Герман Мелвилл «Моби Дик», 13. Фрэнсис Скотт Фицджеральд «Великий Гэтсби», 14. Роза Мұқанова «Мәнгілік бала бейне», 15. Нұрғали Ораз «Сықырлы көл», 16. Харуки Мураками «Кафка на пляже», 17. Шерхан Мұртаза «Қызыл жебе», 18. Бердібек Соқпақбаев «Менің атым Қожа», 19. Оскар Уайльд «Портрет Дориана Грэя», 20. Әбіш Кекілбаев «Үркер», 21. Харпер Ли «Убить пересмешника», 22. Эрнест Хемингуэй «Старик и море», 23. Әбдіжәміл Нұрпейісов «Қан мен Тер», 24. Ғабит Мүсірепов «Ұлпан», 25. Пауло Коэльо «Алхимик».

Берілген тізімнен кез келген кітапты таңдап оқып, оқыған кітабыңыз туралы өз ой-пікіріңізді жазыңыз.  Және бұл тізім аяқталғанға дейін жалғастыра бересіз.

Жобаның соңында өзіңіздің қаншалықты алға басқаныңыз бен нәтижеңізді білу үшін тексеру парағын толтырып отыруды ұмытпаңыз. Әр оқыған кітабыңызды кестеге толтырып, metodsemey@mail.ru электронды поштасына жіберіңіз немесе Абай көшесі 86, 2-қабат, 12 кабинетке әкеліп тапсырыңыз, тел. 8(7222)52-38-87. Тексеру парағында толық аты-жөніңіз, байланыс нөміріңіз, кітаптың атауы және қандай уақыт аралығында оқып болдыңыз, қандай ой түйіп, әсер алдыңыз соны жазуды ұмытпаңыз.

Жобаны 20 сәуір, халықаралық кітап және авторлық құқық күніне орай қорытындылап, сыйлықтарды табыс етеміз. Сізді тосын сый, жағымды жаңалық,  жайлы атмосфера және жарқын көңіл күй күтеді.