Қазақ кино өнерінің шоқжұлдызы: кітап көрмесі

«Ұлағат» клубының аясында 16 ақпан күні Абай атындағы кітапхананың оқу бөлімінің қызметкерлері М.О.Әуезов атындағы педагогикалық колледжде қазақ кино өнерінің жарық жұлдызы Шәкен Аймановтың туған күніне орай ұйымдастырылған «Шәкен жұлдыздары» атты колледжаралық көркемөнер байқауына«Қазақ кино өнерінің шоқжұлдызы» тақырыбында кең көлемді кітап көрмесімен қатысып, оқырмандар назарына ұсынды.

Көрмеде Ш.Аймановтың режиссерлік қызметін айшықтап, көркемдік жағын суреттейтін «Шәкен Айманов» фотоальбомы, «Қазақ театрының тарихы», «Кино и вся жизнь» кітаптары, сахна саңлақтары А.Әшімовтың «Майраның әні», С.Оразбайдың «Өмірдің өзі театр» шығармалары, «Аңыз адам», «Мәдениет», «Мысль», «Жас алаш», «Өмір-ай» және т.б. баспасөз беттерінде жарық көрген мақалалар мен замандастырының естеліктері көрініс тапты.

Шараға арнайы келген Баянауыл мектеп-интернатының «Шәкен Айманов» атындағы музей қызметкерлері өз ризашылықтарын білдіріп, Шәкен Айманов есімі бәрінен бұрын қазақ киносы тарихында тұңғыш рет ұлттық киноны түсірген адам ретінде және оны барынша биікке көтерген талант ретінде көрермендер жадында сақталатынын, артына қалдырған мол мұрасы мен өнегелі өмірін үлгі етуіміз керек екендігін атап өтті.