Абай және Пушкин: онлайн-кездесу Алтай өлкелік Барнаул қаласының В.Я.Шишков атындағы ғылыми әмбебап кітапханасымен

«Рухани жаңғыру» бағдарламасы аясында 2018 жылдың 21-ші ақпаны күні сағат 14:00-де Шығыс Қазақстан облыстық Абай атындағы әмбебап кітапханасының бастамасымен Алтай өлкелік Барнаул қаласының В.Я.Шишков атындағы ғылыми әмбебап кітапханасымен «Абай және Пушкин» атты онлайн-кездесу өтті. Аталмыш шара барысында шараға қатысушылар және ресейлік әріптестер биыл құрылғанына 135 жыл толғалы отырған біздің кітапханамыздың тарихымен танысты. Кітапханамыздың сирек басылымдар қорындағы П.В. Анненков, Л. Поливанов, С.А. Венгеров, П.О. Морозов, П.А. Ефремовтің редакциясымен жарық көрген А.С.Пушкинннің кітаптарына шолу жасалынып, Абайдың аудармасымен қазақ даласында ән болып шырқалған Пушкиннің шығармаларына баса назар аударылды. Сонымен қатар облыстық Ә. Қашаубаев атындағы филармонияның әртісі Жасұлан Тәжиевтің орындауында «Татьянаның Онегинге жазған хаты» тыңдалды. Шара қонағы Абайдың «Жидебай-Бөрілі» мемлекеттік қорық-музейі директорының орынбасары Қайрамбаева М.С. өздерінің «Абай және Пушкин» халықаралық жобасымен қысқаша таныстырып өтті. Шишков атындағы кітапхананың қызметкерлері Абайдың өлеңдерін орыс тілінде, музыкалық сүйемелдеумен орындады.

Онлайн-кездесу «Ахау, Семей!» қазақ ұлттық мәдени орталығы мүшелерінің Абайдың «Көзімнің қарасы» әнін орындаумен аяқталды.