Алғыста шек болмайды: ақпараттық сағат

2018 жылы   наурыздың 2-ші жұлдызы күні Абай атындағы кітапхана қызметкерлері  №30 мектептің орта буын  оқушыларына «Алғыс айту күніне»  орай «Алғыста шек болмайды»  атты ақпараттық сағат өткізді. «Алғыс айту» мейрамы –  әлемнің көптеген елдерінде атап өтілетін мереке.  Ең танымал мереке АҚШ пен Канадада аталып өтілетін «Ризашылық білдіру» мерекесі болып саналады.

Қазақстан халқы бұл мерекені 2016 жылы алғаш рет  атап өтті. 2016 жылғы 14 қаңтарда Қазақстан республикасының Президенті Н.Ә.Назарбаев Қазақстан халқы Ассамблеясының құрылған күні 1-ші наурызды елімізде «Алғыс айту күні»  деп жариялап,  №173 Жарлыққа қол қойған болатын. «Алғыс айту күні» –  ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні.  Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.

Аталмыш іс- шарада Қазақстандағы «Алғыс айту» мерекесінің шығу тарихы мен өзіндік ерекшелігіне тоқталынып, тарихи тұрғыда ақпарат берілді. Шараға қатысушылар тақырып бойынша сұрақтар қойып, өз ойларын ортаға салды.