Наурыз – көктем мерекесі: мерекелік сағат

Наурыз айының 16 күні  Абай атындағы кітапханада Ұлысты ұлы күні наурыз мерекесіне орай «Сиқырлы қалам» үйірмесінің мүшелерімен  «Наурыз – көктем  мерекесі»   тақырыбында  мерекелік сағат ұйымдастырылды. Шара барысында балаларға 22 наурыз Ұлыстың ұлы туралы ақпарат беріліп,  шараға қатысушыларға наурыз күніне орай концертік бағдарлама ұйымдастырылды. №37 мектеп-гимназиясының оқушысы  Сұңғатқызы Аймара домбырамен әңдер орындап, №6 мектеп-гимназиясының оқушысы  Алиева Айымжан скрипкамен «Сәулем-айды» орындады.

Н.Рамазанова, К.Әсетқызы, А.Куконевалардың орындауында әсем билер тамашаланды. Балалардың мергендігі мен шыдамдылығын анықтау мақсатында қазақтың ұлттық ойындары асық ойнау, қол күрес, арқан тартыс  сияқты т.б. ойындар ойнатылды.

Іс-шара соңында қатысушылар «Қош келдің, Әз Наурыз» атты кең көлемді кітап көрмесімен танысты.  «Ұлыс күні қазан толса, ол жылы ақ мол болар» деген ниетпен дастархан басына жайғасып  кітапхана оқырманы Абылхаиров Қадылбек  атаның   батасын алды, бір-біріне ізгі тілектерін білдірді.