Мүмкіндігі шектеулі адамдарға арналған жеке компьютер меңгеру тренингі
2018 жылдың 13-19 наурыз аралығында мүмкіндіктері шектеулі жандар үшін «Компьютерлік сауаттылық» жобасының аясында оқыту тренингі өтті. Тренинг өзінің білімдерін дамытуға ынталы мүмкіндіктері шектеулі адамдарға қысқа мерзімді оқыту-тренингтерін ұйымдастыру арқылы қолдау көрсету болып табылады. Оқу барысында қатысушы 2-топ мүгедегі Керогосян Вячеслав дербес компьютерді қолдануды үйренді. Пайдаланушының жағдайына байланысты және оның сұранысы бойынша біз өз жұмысымыздың кестесін оған лайықты қылып жөндеп, курс бағдарламасын компьютерде өздігінен жұмыс жасауға қажетті дағдыларды меңгеруге бағыттап жасақтадық. Нәтижесінде Вячеслав компьютерлік техниканы пайдалану дағдысын қалыптастырып, компьютер қолдануды үйреніп алды. Мүмкіндігі шектеулі адамдарға, әсіресе тірек-қимыл жүйесінің сырқаты бойынша жаңа технологиялар бойынша ұйымдастырылған оқытулар қатысушылардың назарларын бір бағытқа шоғырландырып, өмірге деген белсенділіктерін арттыруға мүмкіндік береді.
