Ақындармен кездесу: әдеби-өлкетану сабағы

  • 13.04.2018

Өлкетану – кітапхана жұмыстарының негізгі бағыттарының бірі. Шығыс Қазақстан облыстық Абай атындағы кітапханасында жергілікті ақын-жазушылардың шығармашылықтарына ерекше көңіл бөлінеді. 12 сәуір күні М.Төлебаев атыңдағы музыкалық колледжінің мұғалімі Д.Ақшаловамен бірлесіп орыс тілі сабағының аясында әдеби-өлкетану сабағы ұйымдастырылды. Шара барысында кітапхана қызметкерлері жергілікті ақындардың шығармашылығына байланысты кең көлемді кітап көрмесін ұйымдастырды. Бұл әдеби-өлкетану сабағына «Ертіс оттары» әдеби қоғамдастығының мүшелері, ақын – Шерина Вера Романовна, Харитоненко Любовь Васильевна, Михайлов Евгений Николаевичтер шақырылды. Шара диалог-сабақ ретінде өрбіп, ақындар студенттердің сұрақтарына қанағаттанарлық жауаптарын беріп, өз шығармашылықтарынан өлеңдерін оқып, өмірлеріндегі қызықты жайттармен бөлісті. Колледж студенттерінің орындауындағы музыкалық шығармалар мен орыс ақындарының өлеңдерін мәнерлеп оқығандары шараны жандандыра түсті. Шараға қатысқан колледждің 1-2 курс студенттері кітапхана ұйымдастырған көрмедегі жергілікті ақындардың кітаптарымен танысып, жас ақындар туралы қызықты ақпараттар алды.