Қазақ халқының ақыл-ой қазынасы: танымдық ойын

19 сәуір күні кітапхана қызметкерлері «Рухани жаңғыру» бағдарламасы аясында  «Қазақ халқының ақыл-ой қазынасы» атауымен танымдық ойын ұйымдастырды.

Шараға қаламыздағы Н.Г.Чернышевский атындағы №1 орта мектептің  5 «В» сынып оқушалары қатысты. Танымдық ойын арқылы оқушыларға жұмбақтар, мақал-мәтелдер, ертегі-аңыздардың тәрбиелік мәнін, адам өмірі мен қоғамдағы маңыздылығымен таныстыру негізі алға қойылды. Халық өзінің өсиетті өнегелі өмір ережелерін үздік мақалдарымен әкеден балаға мұра етіп, балалардың ақыл-ой өрісін тәрбиеледі. Ақыл-ой тәрбиесі әр заманда жастарға білім берудің негізгі құралы болып келеді. Балалар ертегі, жұмбақ, мақал-мәтелдердің қалай және қашан пайда болғанын естеріне түсіріп, қазақ халқының фольклоры туралы әңгіме тыңдады.

Сонымен қатар «Ақыл-ой марапаты» атты ертегіні тыңдап, ақыл мен ойдың, талаптың адам бойына қажеттілігін білді. Оқушыларға арнайы сыйқырлы сандықша бойынша «Мақалды жалғастыр», «Мақал-мәтелді топтастыр», «Мақал-мәтелді аяқта және үш тілдегі аудармасы»,  «Мақалдың мән-мағынасын түсіндір», «Жұмбақтар, біз сені білеміз!», атты ойындар ұйымдастырылды. «Қазақстан тарихындағы белгілі тұлғалар» викториналық ойынға қатысып, белсенділік танытты. Шара соңында оқушылар кітапханаға жазылуға ниет танытып, өздеріне ұнаған кітаптарын таңдап алды.