Рухани жаңғыру: Latyn- құнды мұра: ретро-көрме

2018 жылдың 20 сәуірінде Шығыс Қазақстан облыстық Абай атындағы кітапханасының қызметкерлері Шығыс Қазақстан облыстық Ішкі саясат басқармасының жастар ресурстық орталығының, Шығыс Қазақстан  облыстық  білім, мәдениет, мұрағат және құжаттама басқармаларымен бірлесе отырып ұйымдастыруымен өткен, Елбасы Н.Ә.Назарбаевтың «Болашаққа бағдар: рухани жаңғыру» бағдарламасының бір жыл толуына орай «Ұлы Абайдың рухты сөзі» шаралар топтамасына  «Рухани жаңғыру: Latyn- құнды мұра» тақырыбындағы  кең көлемді ретро-көрмесімен  қатысып қайтты.

Көрмеден көрініс тапқан 1929-1940 жылдары латын қарпімен қазақ тілінде жарық көрген басылымдарға шолу жасалып, кітап авторларымен, кітаптар тарихымен, мазмұнымен таныстырылды. Шара қонақтары  көрмеден орын алған 50 ден аса, ғылымның барлық салаларын қамтыйтын  латын графикасындағы кітаптармен таныстырылды. Олардын арасында «Химия», «Алгебра», «Биология» сияқты мектеп оқулықтарымен қоса 1936,1939 жылдары жарық көрген Абай Құнанбаевтың, Б.Майлиннің, С.Сейфуллиннің тағы да басқа қазақ зиялыларынын шығармалары шара қонақтарының қызығушылығын ие болды.

Кітапхана қызметкерлері көрмемен ғана таныстырып қоймай, сонымен қатар барлығы 13 кітапты құрайтын латын қарпіндегі QR- кітап сөресімен таңыстырып, пайдаланушылардың смартфондары мен планшеттеріне электрондық нұсқасын көшіріп алу жолдарын көрсетті.