Астана – Тәуелсіздіктің символы: әдеби-сазды кеш

  • 21.04.2018

Астана – ұлан-ғайыр еліміздің  бас қаласы, әлем таныған жас қала.  Тәуелсіздігіміздің символы іспеттес Астанамыздың мерейтойына орай  21 сәуір күні  Абай кітапханасында әдеби-сазды кеш ұйымдастырылды.

Іс- шараға  арман қала Астанаға базарлық ретінде  өз арнауларымен кітапхана жанынан құрылған «Поэзия бұлағы» жас ақындар клубы  мен Халықтық ақындар орталығының мүшелері қатысты.  Іс- шара барысында кіріспе ретінде көрікті Астанамыз туралы қызықты деректер айтылып, қатысушылармен «Сіз білесіз бе?» атты сұрақ- жауап ойыны ойнатылды. Астананың өткені,  бүгіні мен ертеңі жайында «Бас қала – Астана» атты бейнекөрсетілім келушілер назарына ұсынылды.

А.Шәріп, Ә.Тоқтамыс, С.Сайрашева, Н.Мұратқали, Қ.Смағұлова Н.Бейсенбай, Е.Омарғалиев және т.б жас ақындар Астанаға деген жауқазын жырларын жүрек жарды тебіреністерімен көрермендерге жеткізсе, А. Қайырбеков пен Д. Байекенова, Н.Бейсенбай мен А.Мұхаметжанова сынды ақындар  Астана, болашақ, ел тынысы туралы айтыс шоу жасап, көпшілікті бір серпілтіп тастады. Іс-шараға келушілер ерекше қуанышқа бөлене отырып, «Астана»  әнін хормен шырқады. Аталмыш шара соңында белсенді қатысушыларға кітапхана атынан алғыс хаттар табысталып, естелік ретінде күнтізбелер үлестіріліп , кітаптар сыйға тартылды.