Семей қаласындағы эвакогоспитальдар: өлкетану қонақжайы
2018 жылдың 22 сәуірінде Абай атындағы кітапхана «Прииртышье» өлкетану қорымен және «Туған қалам» қоғамдық қорымен бірлесе отырып «Өлкетану қонақжайы» клубының кезекті отырысын Ұлы Отан соғысы жылдарындағы «Семей қаласындағы эвокогоспитальдар» тақырыбына арнайы ұйымдастырды.
Ұлы Отан соғысы жылдарында Семейге бес госпиталь көшіріліп әкелінген, олар аурухана, клуб, оқу ғимараттарына орналастырылған. Осы госпитальдерде қызмет істеу үшін орта мектептердің жоғарғы сыныптарының оқушы қыздары түгел дерлік санитарлық қызметкерлер курсында оқып, кейіннен жаралы жауынгерлерді күтіп, емдеуге ат салысқан. Жаралы жауынгерлердің өміріне қуаныш сыйлау үшін қала мектептерінің оқушылары концерттік бағдарламалар да ұйымдастырып тұрған. Шара барысында сол уақыттағы №20 орта мектебінің оқушысы Хайруллинаның госпитальға барғаны туралы естелігін №6 мектеп-гимназиясының 2-ші сынып оқушысы Ракишева Еркежан нақышына келтіріп оқыды. Шара қонақтарымен дәрігер, мейірбикелердің жаңқиярылық еңбектері жайлы сол оқиғалардың куәгерлері госпитальдардың бірінде еңбек еткен Гафиатулина Гульнар Султанқызы мен госпиатальдерде концерт өткізген мектеп оқушысы Щербак Валентина Петровна өз естеліктерімен бөлісті. Осынау қиын-қыстау кезеңде біздің (ол кезде Гоголь) кітапханамыздың қызметкерлері де госпиталь жұмыстарына белсене ат салысты. Гоголь кітапханасының кітапханашысы Акимова Мария Васильевнаны 1941 жылы № 3593 госпиталіне кітапхана-клубының меңгеруші қызметіне тағайындалды.
Семей қаласындағы әскери госпиталь бастығының орынбасары – Балаубаев Бауыржан Серікұлы, сол кездегі эвокогоспитальдер туралы қызықты мәліметтермен қатысушыларды таныстырып өтті. Шараны «Кілт» авторлық әндер клубының мүшелері мен Казак ансамблінің орындауындағы Ұлы Отан соғысы жылдарындағы әндер әсерлендіре түсті.
Кітапханамыздың сирек қорында сақталған 1939-1945 жылдары, соғыс уақытындағы қаламыздың тыныс-тіршілігімен, мәдени іс-шараларымен таныстыратын мерзімді басылымдардан жақсақталған кең көлемді көрмеден орын алған мұражай экспонаттары, олардың арасында: автомат, снарядтар, миналар, неміс және кеңестік әскери фляжки, плакаттар, репродуктор және басқа да көптеген заттар шара қонақтарының үлкен қызығушылығына ие болды. Шара қонақтарын таң қалдырған тағы бір жайт 1945 жылы Абай Құнанбаевтың 100-жылдығы қарсанында шыққан ақынның өмірбаянына арналған кішкентай кітапша болды.
Шараға қала мектептерінің ұстаздары, мұрағат қызметкерлері, «Авиценна» колледжінің студенттері мен қала тұрғындары қатысты. ҰОС жылдарында Жеңісті күнге жету үшін ерінбей еңбек еткен қарт адамдарға қызыл қалампыр сыйға тартылды. Шараны ұйымдастыруда Семей қалалық ТВК-6 теле-радио корпорациясы ақпараттық қолдау көрсетті.
