Сіздің хоббиіңіз: көрме-хобби

18 шілде күні «Диалог» әдеби клубының жастар буыны арасында «Сіздің хоббиіңіз» атты көрме-хобби ұйымдастырылды.

Көрмеде тоқу, тігу, кестелеу, бөлме өсімдіктерін көбейту, өсіру, спортпен айналысу, авиа модель жасау сияқты шығармашылық хоббилерге арналған кітаптар топтастырылды. Көрмеге шолу жасау барысында негізгі назар жастардың ерекше және жаңа әуестігіне аударылды. Клуб мүшелері үй өсімдіктерін, жануарларды күту жайлы кітаптарға үлкен қызығушылық танытты. Сондай кітаптардың бірі: «Комнатные растения: популярная энциклопедия», «Ваша любимая собака: воспитание и уход», «Кошки». Қатысушы ұлдар мен қыздардың барлығына да «Маленькие хитрости: 200 полезных советов» кітабы қатты ұнады. Өйткені оның бөлімдері тұрмыста тексерілген өзіндік кішкене идеяларды біріктіреді, ал өнертабыс идеясы хобби болуы мүмкін. Сондай-ақ көрмеде қолөнерге, тәжірибелік кенес беруге арналған кең ауқымды кітаптар ұсынылды. Олар: «Полная энциклопедия рукоделий», «Энциклопедия шитья», «Ручная вышивка» «Парикмахерское мастерство», «Народные ремесла» және т.б.