Тарих жанрының шебері: бейнеролик
Кітапхананың оқу залында «Бір ел – бір кітап» акциясының аясында Ілияс Есенберлиннің трилогиясы бойынша оқырмандар марафоны өткізілді. Оқырмандар марафонының мақсаты: жұртшылықты қазақтың ұлттық тарихы және әдебиеттімен жақынырақ таныстыру, оқу мәдениетін көтеру.
Оқу марафонына Семей қаласының зиялы қауым өкілдері, М.Әуезов атындағы педагогикалық колледждің білім алушылары қатысты. Марафон екі сағат уақыт аралығын қамтыды. Аға буын педагогтар мен мәдениет тарландарымен бірлесіп жас жеткіншектер «Көшпенділер» шығармасының бірінші томын дауыстап оқып шықты. Марафонның қортынды мәресі қазақ және орыс тілдеріндегі «Бізбен бірге оқуды баста және өзің жалғастыр…» ұранмен бейнеролик түсірілуімен аяқталды. Бейнероликтер кітапхананың сайтындағы «Бір ел – бір кітап» парақшасына орналастырылды. Пайдаланушылар осы іс-шара арқылы оқу мәдениеттерін көтеруге және оқыған шығармалары арқылы алған әсерлерін достарымен талқылауға мүмкіндік алады және акция аясында оқылып жатқан шығармалар арқылы пайланушылар өмірлік іс-тәжірибелер жинақтайтыны сөзсіз.