Шахмат әлемінің патшасы мен патшайымы

Өткен жылы кітапханада құрылған шахмат клубы шахмат ойынына әуесқой қауымды көптеп тартуда. Семей қаласының тұрғындарына Абай кітапханасында шахмат ойнауға барлық мүмкіндіктер жасалған.

Шахмат ойынында әртүрлі жаңа қарсыластармен кездесулер өткізіп, жаңадан тәжіриебелер жинақтап, жаңа мүмкіндіктерге ие болады. Негізгі ойнаушылар тобы зейнеткерлер мен жастар, бұл бос уақыттары бар және өздерін еркін сезінетін топтағы шахматшылар. Шахмат клубына қатысушыларға қарай отырып ерлер ойыны деуге болады, себебі негізгі ойыншылар тобы ер адамдар, шахмат ойынындағы «патшайымдар» сирек кездеседі.

Балалар мен жасөспірімдер арасында шахмат секциясына №26 мектептің оқытушысы Сүлейменов Олжас Мақсатұлы басшылық жасауда. Балаларға шахмат ойынының шеберлігі жайында өз білгенін үйрете отырып, олармен жақсы қарым-қатынаста орнатуда. Балалар шахмат ойынына «Авицена» медициналық колледжінің студенті Қадыров Ғибрат волонтерлық жасап, өз білгенін жастарға үйретуде. Осы топтағы балалалар жексенбі күндері сағат 11.00-де бас қосады. Кіші топта алты бала және оның ең кішісі 4-те Смағұлова Халифа, әзірше ол тек шахмат тастарын қойып үйренуде. Смағұловтар жанұясы кітапхананың тұрақты оқырмандары. Жанұяларымен келіп кітап қорындағы балалаларға арналған кітаптарды жаздырып алып оқуда.