2016 жыл- Халықаралық дәнді-бұршақты дақылдар жылы: кітап көрмесі
17 наурыз 2016 жылы Абай атындағы кітапхананың оқу залы қызметкерлері оқырмандарға «2016 жыл-Халықаралық дәнді-бұршақты дақылдар жылы» атты кітап көрмесін ұйымдастырды.
Биыл Біріккен Ұлттар Ұйымы Бас Ассамблеясының сессиясында «2016 жыл халықаралық дәнді – бұршақты дақылдар жылы» болып қабылданды, осы бастаманы қолдау мақсатында ұйымдастырылған көрме арқылы оқырмандар дәнді-бұршақты дақылдардың түлері мен тұқымдары, оның шыққан отаны жайында, қандай дәрумендерге бай, адам денсаулығына қаншалықты пайдалы, қандай ауруларға емдік қасиеті бар екендігінен хабардар болды.
Сонымен қатар дәнді-бұршақты дақылдардан жасалған тағамдарды жеуге балаларды қалай үйретуге болады және одан қандай тағамдар әзірлеуге болатыны жөнінде қызықты ақпараттар берілді. Көрмеге кітап қорындағы осы тақырыпқа байланысты кітаптар, мерзімді басылымдар беттеріндегі мақалалар, ғаламтордан алынған ресурстар қойылып, буклеттер таратылды. Оқырмандардың назарына ұсынылып отырған көрме айдың соңына дейін жалғасын таппақ.