Әдеби кинозал

  • 30.04.2016

30 сәуір күні «Әдеби кинозал» клубының мүшелері кезекті отырысын режиссер Г.Козинцевтің қоюымен түсірілген В.Шекспирдің «Король Лир» фильмін тамашалаумен жалғастырды.

IMG_1465

Биыл 23 сәуірде туғанына 400 жыл толған әлем әдебиетінің классигі Шекспирдің шығармасына түсірілген бұл фильм 2 бөлімнен тұрады. Фильм аяқталғаннан кейін қатысушылар фильмнің сюжеті мен бас кейіпкерлері туралы ойларын ортаға салды. Әркім өз талғамы бойынша фильмді талдады. Фильм декорациясының қарапайымдылығы біріне мүлде ұнамаса, біреулері кейіпкерлердің әрекеттерін талдап, олардың ойын өз ойларымен салыстырды. Жастарымыздың терең және жан-жақты ойлап, фильмді талдау өнері бізді қуантты Психологиялық сюжетке бай фильмдегі мейірімділік пен зұлымдық процесі қатысушылардың шығарманы талдауда белсенділіктерін арттырды. Шара соңында әркім өз пікірін растаумен болды. Сіздер де бұл фильмді көріп, ой-пікірлеріңізді жазуларыңызға болады. Біз Сіздерді осы клубтың аясында бізбен бірге фильмдерді тамашалауға шақырамыз. Үйірме мүшелерінің басқосуы әр айдың бірінші және үшінші аптасында сенбі күндері 12:00 де өтеді.