Шахмат турнирі

6 шілде Астана күніне және Қазақстан Республикасының Тұңғыш Президенті Н.Ә.Назарбаевтың туған күніне орай, Абай атындағы кітапханада Семей қаласы дене шынықтыру және спорт бөлімі, қалалық шахмат Федерациясы, Абай атындағы кітапхананың шахмат клубы мүшелерінің ұйымдастыруымен үш күндік шахматтан ашық қалалық турнир өткізіліп жатыр.

Турнирге әртүрлі жас санаты бойынша 34 шахматшы қатысып отыр. Олардың жас ерекшеліктері де әртүрлі: ең үлкені Лукин Михаил Федорович – 86 жаста болса, ал ең жас шахматшы Калиханов Темерлан – 8 жаста. Шараға танымал шахматшылар ғана емес, сонымен бірге, ШҚО аудандарының, Ресей және Моңғолияның шахмат әуесқой өкілдері де қатысып отыр. Шахматшылар турнирге қатыса отырып, жарыстан үлкен тәжірибе жинақтап, ең бастысы қарым-қатынас шеңберлерінің аясын кеңейтуге мүмкіндік алды. Жарыс қорытындысы 8 шілде күні анықталады.