Жерлес жазушы туралы сөз: кітап көрмесі
Қыркүйек айының 7 жұлдызында Семей мемлекеттік медицина университетінде ҚР Тәулелсіздігінің 25 жылдығына, Семей ядролық сынақ полигонының жабылуына 25 жыл толуына орай, қоғам кайраткері, танымал қаламгер Медеу Сәрсекенің «Семей қасіреті» деректі тарихи хикаятының тұсаукесер рәсімі өтті. Осы іс-шараға орай, Абай атындағы кітапхана «Жерлес жазушы туралы сөз» тақырыбында кітап көрмесін ұйымдастырды. Көрменің мақсаты: бүкіл саналы ғұмырын сәтпаевтануға арнаған қаламгердің өнегелі өмірін дәріптеу арқылы жас ұрпақты адами құндылықтарға тәрбиелеу және ақпараттар алу мүмкіндігіне кеңінен қол жеткізу. Аталмыш тақырыптағы кітап көрмесіне 25-тен аса жазушының қаламынан туған шығармалары, сонымен қатар, ол туралы кітаптар мен мерзімді басылымдар беттерінен құнды мәліметтер оқырман назарына ұсынылды. Іс-шараға зиялы қауым өкілдері, ақын- жазушылар, оқытушылар және студенттер қатысты.
