Отбасы – мемлекеттің негізі: отбасы сайысы

Мемлекет басшысының Жарлығымен биылғы жылы төртінші рет қыркүйек айында «Отбасы күні» мерекесі аталып өтiлуде. Осыған орай Абай атындағы кітапханада «Жанұя орталығы» қоғамдық қорының ұйымдастырумен «Отбасы – мемлекеттің негізі» атты сайыс ұйымдастырылып, оған Ішкі саясат, Білім бөлімі және Балалар және жастар ұйымының қауымдастықтары қолдау көрсетті. Сайыстың мақсаты: отбасы күнін насихаттай отырып, шаңырақтың бірлігін нығайту, еліміздің жас өрендерін отаншылдыққа баулу. Мерекелік шара 55/11 әскери бөлімі оркестрінің орындауындағы Мемлекеттік Әнұранмен ашылды.

Отбасылық бәсекеге 6 отбасы қатысып, 5 кезеңнен тұратын сайыста өз ептіліктерін көрсетті. Аталмыш мерекенің жаңалығы – біздің кітапхананың сайысқа ұжымдық отбасы болып қатысуы болды. Шара барысында әр отбасы өздерін слайд және бейнероликтері арқылы таныстырып, отбасылық командыларға әртүрлі жағдаятты сұрақтар қойылып, «Ас үй құпиясы», «Шығармашылық» т.б. байқаулар өткізілді. Қатысушы отбасылар барлық сайыстардан сүрінбей өтіп, жағдаятты сұрақтарға қызықты жауаптар таба біліп, әділқазылар мен көрермендердің көңілдерінен шықты.

Жоғары деңгейде өткен отбасылар сайысы өз мәресіне жетіп, нәтижесінде жүлделі орындар тағайындалып, әрбір отбасы мүшесі түрлі номинациялармен марапатталып, бағалы сыйлықтарға ие болды. Абай атындағы кітапхана атынан шыққан ұжымдық отбасы командасына «Иинтелектуалдық отбасы» номинациясы тағайындалды.
Сайыс қатысушыларына арналып «Отбасы – Отанымыздың ошағы» атты кітап көрмесі ұсынылып, шолу жасалды. Шараға қала тұрғындары, оқу орындарының студенттері және мектеп оқушылары қатысты.