Кітапты сүйіңдер!: интеллектуалдық ойын
23 қыркүйек күні Абай атындағы әмбебап кітапханасында Тіл апталығы аясында көлік колледжі студенттерінің қатысуымен «Кітапты сүйіңдер!» атты интеллектуалдық ойын өткізілді. Шараның мақсаты: студенттердің мемлекеттік тілге деген құрмет сезімін арттыру, тіл мәртебесін көтеру, өз ұлтына, еліне деген сүйіспеншілігін ояту, кітап оқуға баулу. Ойынға қатысушылар ойын ережесі бойынша «Арлан», «Бәйтерек», «Сұңқар» топтары болып үш топқа бөлінді. Сайыскерлер тілі туралы сұрақтарға жауап беріп, мақал-мәтелдер мен жұмбақтар шешіп, ойынға белсене қатысты. Топтар арасынан «Арлан» тобы алға шығып, жеңімпаз атанды. Әділқазылар жеңімпаздарды марапаттап, алдағы сайыстарына сәттілік тіледі.
