Ақпаратты іздестіру және желіде сөйлесу: тренинг

2016 жылдың 8-14 қараша аралығында зейнеткерлер үшін «Интернет және электронды пошта» оқыту тренингі Шығыс Қазақстан облыстық Абай атындағы әмбебап кітапханасында өтті. Тренинг өзінің білімдерін дамытуға ынталы адамдарға қысқа мерзімді оқытулар ұйымдастыру арқылы қолдау көрсету болып табылады. Оқу барысында қатысушы үш зейнеткер Интернет-технологияларды қолдануды үйрену, достарымен, туыстарымен қарым-қатынас жасау үшін Интернетті қолдану, Интернет желісінде сөйлесу, т.б. үйренді. Тренингтің құрылымы – электронды пошта, әлеуметтік желілер және Интернет арқылы іздестіру, сөйлесу, сұхбаттасу сияқты бөлімдерден тұрады. Қазіргі уақытта жаңа технологияларды білу өте қажет. Жаңа технологиялар бойынша ұйымдастырылған оқыту қатысушылардың көңілінен шықты, өздерінің жаңа өмірінде белсенділігін арттыруға мүмкіндік берді. Зейнеткер Руфия Ахметкабирқызы компьютерлік сауаттылық алып, Интернет арқылы іздеу үйреніп, 67 жасында бірінші рет электронды жашік ашып, тренермен және туыстарымен хат алысты, міне осылай тренингтен күтілетін нәтижеге жетті. Қатысушыларға Интернет жүйесінде сәттілік тілейміз.