Еңбек өтіліне 25 жыл: кітапханашыларды марапаттау

2016 жылдың 07 желтоқсаны күні күні, сағат 11:00-де Абай атындағы кітапханада ҚР Тәуелсіздігінің 25 жылдығына арналған «25 жұлдызды күн» шеңберінде еңбек өтіліне 25 жыл толған әріптестеріміз ақпараттық-библиографиялық қамтамасыз ету бөлімінің кітапханашысы Чушекова Жанар Меллатқызын және оқу залының кітапханашысы Байбатырова Гүлбану Қалқаманқызын құттықтау жиыны өтіп, алғыс хат табыс етілді. Әріптестеріміз еңбек жолдарын ҚР Тәуелсіздік алған 1991 жылдан бастап, содан бері 25 жыл бойы біздің кітапханамызда еңбек етіп келеді. Бүгінгі күні Семей өңірі кітапхана ісінің өркендеуіне өз үлестерін қосып, қызығы мен қиындығы мол кітапханашы мамандығының беделін жоғары ұстап, адал қызмет етуде. Осы мерейлі мереке күні әріптестерімізді шын жүректен құттықтап, отбастарына береке-бірлік, зор денсаулық, еңбектеріне шығармашылық табыстар тілейміз! Алдағы уақытта елімізде кітапхана ісінің дамуында жаңа бастамалар мен игілікті шаралардың ұйтқысы бола беріңіздер! деген ыстық лебізімізді білдіреміз.