«Бағытымыз тәуелсіздік, ұранымыз – ұлттық бірлік»: көрме
2016 жылдың 11 желтоқсаны күні Абай атындағы кітапханада Қазақстан Республикасы Тәуелсіздігінің 25 жылдығына арналған «25 жұлдызды күн» шеңберінде «Бағытымыз тәуелсіздік, ұранымыз – ұлттық бірлік» тақырыбында кітап көрмесі ұйымдастырылды.
Мәдени – шараның мақсаты: оқырмандарға Тәуелсіздіктің қадір-қасиетін түсіндіру, Отан-Ананы құрметтеу, Тәуелсіздікті бағалай білуге, ұлтжанды, елжанды болуға, Отанға деген сүйіспеншілігін дамытып, патриоттық тәрбие беру. Қазақ елінің сан ғасырлық қалыптасу кезеңін, тәуелсіздік жылдары жүріп өткен жолын көрсететін көрмеге 50-ден астам еңбек қалың оқырман назарына ұсынылған. Кітап көрмесіне Елбасының әр жылдарда жарық көрген еңбектері мен еліміздің 25 жыл ішіндегі жеткен жетістіктерінен сыр шертетін кітаптар, мемлекет басшысының Жолдаулары және қолға алған реформалары жөніндегі мерзімді басылымдар беттеріндегі мақалалар қойылды. Шара барысында Д.Қалматаев атындағы медициналық колледжі мен көпсалалы колледжі студенттеріне көрме бойынша шолу жасылынып, маңызды ақпараттар ұсынылды. Кітап көрмесі желтоқсан айының соңына дейін жалғасады.
