Болашақты нұрландырған тәуелсіздік: сурет сайысы

  • 12.12.2016

12 желтоқсан күні Қазақстан Республикасы Тәуелсіздігінің 25 жылдығына арналған «25 жұлдызды күн» шеңберінде балалар әдебиеті бөліміндегі «Сиқырлы қылқалам» сурет үйірмесі қатысушыларының арасында «Болашақты нұрландырған тәуелсіздік» атты сурет сайысы ұйымдастырылды. Сайыстың басты мақсаты – жас ұрпақтың бойында патриоттық және Отанға деген сүйіспеншілік сезімін арттыру, сондай-ақ, балалардың көркем шығармашылығын дамыту болып табылады. Жас суретшілер Серікқазы Олжас, Серікқазы Алуа, Мерхатқызы Ақниет, Жұмабай Мағжан қағаз бетіне қазақтың дархан даласын, салт-дәстүрлерді, Астана, Бәйтерек монументін және туған жерлері Семей қаласын бейнелейтін сурет туындыларын ұсынды. Қазақстан Респуликасы Тәуелсіздігі тақырыбында салынған үздік суреттер кітапхана атынан естелік сыйлықтармен марапатталды.