Ең көп сұралатын 25 кітап: кітап көрмесі

16 желтоқсан күні Абай атындағы кітапханада Қазақстан Республикасы Тәуелсіздігінің 25 жылдығына арналған «25 жұлдызды күн» шеңберінде «Ең көп сұралатын 25 кітап» атты кітап көрмесі ұйымдастырылды.

Л. Толстой «Жақсы кітап оқу – ақылды адаммен сырласқанмен бірдей» десе, М. Горький «Мен өз бойымдағы барлық жақсылығым үшін кітапқа борыштымын», ал М. Әуезов «Көп жасаған білмейді, көп оқыған біледі» деп кітаптың адам өмірінде алар орнын, маңызын көрсеткен. Әр адам өз оқыған кітаптарының арасынан жүрегінің төрінен орын тапқанын ойланбастан айтып береді. Біздің оқырмандарымыз кітапты сүйіп және қызықтысын тауып оқиды. Көп оқылатын, жоғары сұранысқа ие кітаптар кітап сөрелерінде ұзақ тұрмайды. Атап айтсақ: Абай «Өлең – сөздің патшасы», «Қара сөз», М. Әуезов «Абай жолы», Ж. Аймауытов «Ақбілек», Қ. Мұхамедханов «Абай мұрагерлері. Естеліктер», А. Нұршайықов «Ақиқат пен аныз», И. Есенберлин «Көшпенділер», О. Бөкей «Шығармалары», Қ. Жұмаділов «Тағдыр», Ф. Оңғарсынова «Толық шығармалар жинағы», Б. Соқпақбаев «Өлгендер қайтып келмейді», К. Түменбай «Төрт амал тіршілік», Н. Ораз «Сиқырлы көл», Софы Сматаев «Елім-ай», О. Уайльд «Портрет Дориана Грея», Ф. С. Фицджеральд «Великий Гэтсби», Ш. Бронте «Джен Эйер», Д. Остен «Гордость и предубеждение», Ф. Достоевский «Униженные и оскарбленные», М. Булгаков «Мастер и Маргарита», Э. Ремарк «Три товарища», «Возлюби ближнего своего», Пауло Коэльо «Алхимик», Ян «Чингисхан», Ч. Абдуллаев «Джентльменское соглашение», Д. Стил «Семейный альбом», Рэй Брэдбери «451 по фаренгейту», Стивен Кинг «Темная башня», Г. Д. Робертс «Шантарам».

Егер, Сіз таңдау жасай алмай, ойланып жүрсеңіз, ұсынылған кітап көрмесінен сонау классик жазушылардан бастап, жеңіл оқылатын шығармаға дейін таба аласыз.