Кітап патшалығына саяхат: жылжымалы кітап көрмесі

13 мамыр күні балалар әдебиеті бөлімінің қызметкерлері №20 жалпы білім беретін орта мектебі ұйымдастырған «Ашық есік күні» күніне орай оқырманды кітап оқуға шақыру мақсатында «Кітап патшалығына саяхат» атты кең көлемді кітап көрмесін ұсынды.

Кітап көрмесіне табиғаттың тамаша көріністеріне арналған «Айналадағы қызықты әлем», «Жануарлар әлемі», «Жасыл ел» атты өсімдіктер, жануарлар жайлы және «Неге?, «Нені?», «Қалай?», «Қашан?» деген сұрақтарға бағыт-бағдар сілтейтін түрлі танымдық әдебиеттерге бүлдіршіндердің қызығушылығын тудырған ерекше көркемделген фотосуретті ашылмалы 3D кітаптарға шолу жасалынып, бөлімнің іс- шаралары мен жетістіктері туралы бейнефильм көрсетілді. Оқырмандарға балалар әдебиеті бөлімі туралы толық ақапарт беретін жарнамалық парақшалар таратылды.

Ашық есік күніне келген оқушылар кітапханаға жазылуға, кітап оқуға ниет білдіріп, ризашылықтарын білдірді.