Сұлтанмахмұт – ақын, философ: әдеби брейнринг
16 мамыр күні Абай атындағы әмбебап кітапханасының шетел әдебиеттер бөлімі қызметкерлері қаладағы №8 балалар үйінің тәрбиеленушілеріне «Бір ел, бір кітап» акциясы аясында «Сұлтанмахмұт – ақын, философ» тақырыбында әдеби брейнринг өткізді. Іс- шара барысында қатысушыларға ақынның өмірі мен шығармашылығы жайында ақпарат бере отырып, барлық қатысушыларды үш топқа бөліп, білімдерін тексеру үшін «Танып, біл!» ойыны ойнатылды. Ойынның шарты бойынша С.Торайғыровтың шығармашылығы мен қазақ жазушыларының еңбектерін нақты тауып айту керек болып, ойын соңы іс-шара тақырыбына байланысты викториналық сұраққа ұласты. Білім сайысы барысында үш топ та өздерінің ептіліктері мен тапқырлықтарын әрі ұйымшылдықтарын көрсете білді. Ойын нәтижесі бойынша барлық топ білімдерінің жоғарылығын көрсете отырып, жеңімпаз атанды. Аталмыш шараға «Мен қазақ, қазақпын деп мақтанамын, Ұранға Алаш деген атты аламын» тақырыбында кітап көрмесі ұйымдастырылып, соңында барлық балаларға кітапхана атынан тәттілер үлестірілді.
