Қазақ халқының кемеңгер биі: әдеби кеш

25 мамыр күні Абай кітапханасында ұлтымыздың бір туар ұлы –  Қазыбек бидің туғанына 350 жылдығына орай «Қазақ халқының кемеңгер биі» тақырыбында әдеби іс-шара ұйымдастырылды. Кешке этнограф-тарихшы, доцент, Қазақстан оқу-ағарту ісінің үздігі, Қазақстан журналистер Одағының мүшесі Мұхаметқазы Мұхамедиұлы шақырылды. Іс-шараға Радиотехника және байланыс колледжі студенттері қатысты. Аталмыш шара барысында Қазыбек би Келдібекұлы туралы қысқаша ақпарат беріліп, «Қазыбек би мен Бұқар жырау», «Қазыбектің қанатты сөздері», «Қазыбек би атамыз қалмаққа қызын бермеді» атты бейне көрсетілімдер көпшілік назарына ұсынылып, ортақ ой- пікірлер ортаға салынды. Арнайы шақырылған танымдық кеш қонағы М.Мұхамедиұлы Қазыбек бидің тарихтағы жолы мен еліне сіңірген қызметі туралы және шешендік өнері жайында көптеген қызықты әңгімелер айтып, студенттердің сұрақтарына жауап берсе, «Поэзия бұлағы» клубының ақындары А.Мұхамеджанова, Ә. Тоқтамыс, Н.Мұратқали  бабамызға арнаған «Баба саған арнаймын», «Есімің елге танылған», «Орта жүздің шешені» атты арнау өлеңдерін ортаға салды. Кеш соңында шараға белсенді қатысушыларға кітапхана атынан естелік ретінде кітаптар тарту етіліп, «Қазақтың дана билері» атты кең көлемді кітап көрмесіне шолу жасалды.