Бұл ән бұрынғы әннен өзгерек: әдеби-сұхбат
Шығыс Қазақстан облыстық Абай атындағы әмбебап кітапханасы 2013 жылдың 25 ақпанында Зағиптар және көздері нашар көретін азаматтар үшін кітапханасында «Семей өңірінің тарихи тұлғалары» атты жобасы аясында ақын Шәкәрім Құдайбердіұлының туғанына 155 және ақын әндерін насихаттаушы әнші Келденбай Өлмесековтің туғанына 60 жыл толуына орай «Бұл ән, бұрынғы әннен өзгерек» атты әдеби-сұхбат өткізді.
Өткізілген күні: 2013 жылдың 25 ақпан. Өткізілген орны: Семей қаласының Зағиптар және көздері нашар көретін азаматтар үшін кітапханасы. Қатысушылар: кітапхана оқырмандары. Қатысушылар саны: 15 адам. Шараның мақсаты: ойшыл ақын Шәкәрім Құдайбердиевтің туғанына 155 және ақын әндерін орындаушы әнші Келденбай Өлмесековтің туғанына 60 жыл толуына орай танымал тұлғалардың шығармашылығын қатысушыларға сұхбаттаса отырып таныту. Күтілетін нәтиже: Семей өңірінің айтулы тұлғаларының өнегелі өмірі арқылы қатысушылардың өмірге деген ынталылығын, еліне деген сүйіспеншілік сезімдерін нығайту.
Шығыс Қазақстан облыстық Абай атындағы әмбебап кітапханасы 2013 жылдың 25 ақпанында Зағиптар және көздері нашар көретін азаматтар үшін кітапханасында «Семей өңірінің тарихи тұлғалары» атты жобасы аясында ақын Шәкәрім Құдайбердіұлының туғанына 155 және ақын әндерін насихаттаушы әнші Келденбай Өлмесековтің туғанына 60 жыл толуына орай «Бұл ән, бұрынғы әннен өзгерек» атты әдеби-сұхбат өткізді. Ұйымдастырылған шара зағип жандармен әдеби сұхбат ретінде өткізіліп, кітапхана қорынан мол мағлұматтар берілді. Ақынның өмір мен шығармашылығы туралы ақпараттар беріліп, Келденбай Өлмесековтің дискіге жазылған үнтаспасы қолданылды. Зағиптар және көздері нашар көретін азаматтар үшін клубта қызмет ететін «Қазақ тілі» қоғамының мүшесі, «Шамшырақ» жыршы-термешілер үйірмесінің жетекшісі Нығметжанов Дүйсенғазы Шәкәрімнің «Қалқаман-Мамыр» дастанын домбырасымен басынан аяғына дейін жырлап берді. Кезінде Семейдің мәдениет саласында, Абай театрында қызмет еткен, заңғар жазушы Мұхтар Әуезовпен кездескен зиялы азамат Бекен Жұманов та туған ел тұлғалары жайлы ұлағатты әңгімелерін ортаға салды. Сұхбат барысында қатысушы зағип жандарға «Мұтылғанның өмірі», «Жасымнан жетік білдім…», «Жастарға» өлеңдерінен үзінді оқылды. Зағип жандар шараға қатысып, бірге бас қосқандарына ризашылықтарын білдіріп, «бізге аудиожазба кітап болса, біз тыңдаудан жалықпас едік. Біздің естір құлағымыз бар, жақсы өнегелі туындыларды білгіміз келеді» деген өздерінің өтініш-тілектерін де білдіріп, мәдениет басшылығына жеткізуімізді сұрады. Зағиптар және көздері нашар көретін азаматтар үшін клубтың директоры мен әдіскері Алиаскаров Марат пен Шынар және қатысушы арнайы кітапхана оқырмандары өткізілген шараның өте маңызды екенін айтып, ризашылықтарын білдіріп, алдағы уақытта осындай шараларды жиі өткізіп тұруымызды. өтінді. Кітапхана қызметкерлері зағип жандардың арнайы кітапханасында енді сәуір айында шара өткізуді жоспарлап қайтты. Сонымен қатар, Абай атындағы кітапхана мамандары Зағиптар және көздері нашар көретін азаматтар үшін кітапханасына әдістемелік көмек көрсетіп қайтты.