Семейлік танымал әншілер: әдеби-сазды библиокереуен
Шығыс Қазақстан облыстық Абай атындағы әмбебап кітапханасының қызметкерлері Бородулиха ауданы, Петропавловка ауылындағы Т. Аманов атындағы орта мектепке барып, қазақ ән өнерінің қос жұлдызы Мәдениет Ешекеев пен Болат Сыбановтарға арналып ұйымдастырылған шараларға қатысып, «Семейлік танымал әншілер» жайында ақпараттық-танымдық материалдарды ұсына отырып, әншілер өмірі мен шығармашылығына арналған слайд-шоу көрсетілімімен әншілердің ән мұрасына кеңінен тоқталды.
Өткізілу күні: 13 ақпан 2013 жыл. Қатысушылар: Бородулиха ауданы, Т.Аманов атындағы мектептің ұстаздары, оқушылары, ауыл тұрғындары, Бородулиха аудандық мәдениет бөлімінің қызметкерлері, «ЕуразШоу» ән-би ансамблі. Қатысушылар саны:150 адам. Іс-шараның мақсаты: қазақ ән өнеріне өлшеусіз үлес қосқан жезтаңдай әншілер Қазақстанның Халық әртісі Мәдениет Ешекеев және Қазақстанның еңбек сіңірген әртісі Болат Сыбановтың өнердегі өнегелі жолдары, шығармашылық мұраларымен таныстыру.
Шығыс Қазақстан облыстық Абай атындағы әмбебап кітапханасының қызметкерлері Бородулиха ауданы, Петропавловка ауылындағы Т. Аманов атындағы орта мектепке барып, қазақ ән өнерінің қос жұлдызы Мәдениет Ешекеев пен Болат Сыбановтарға арналып ұйымдастырылған шараларға қатысып, «Семейлік танымал әншілер» жайында ақпараттық-танымдық материалдарды ұсына отырып, әншілер өмірі мен шығармашылығына арналған слайд-шоу көрсетілімімен әншілердің ән мұрасына кеңінен тоқталды. Құрманғожа мен Изатолла ауылдарынан Т.Аманов, Ғ.Қосанов, С.Машақов, Т.Рымжанов т.б. көптеген айтулы тұлғалар шыққан қасиетті жерден түлеп ұшқан қос өнер тарландарының өмірі қызықты да, өнегелі. Қазақ ән өнерінің бір туар таланты М.Ешекеевтің дауысы әсем үнді, кең диапазонды, лирико-драмалық тенор. Әншінің концерттік бағдарламасында қазақтың халық әндерінен бастап Абайдың, Біржан салдың, Ақан серінің, Жаяу Мұсаның, Балуан Шолақтың, Естайдың, Әсеттің, Кененнің, сазгерлер Ә.Еспаевтың, Шәмшінің, Б.Сыбановтың т.б. шығармалары кеңінен танылған. М.Ешекеев, әсіресе Абайдың музыка мұрасын насихаттаған танымал әнші. Әншінің орындауындағы қазақтың халық әндері «Жиырма бес», «Сұржекей», Біржаның, Естайдың, Әсеттің, Абайдың т.б. әндерін шеберлікпен орындауда қазақ радиосының алтын қорына жазылды. Әншінің орындауында жазылып алынған «Сегіз аяқ», «Қарқаралы» әндері көпшілік назарына тыңдауға ұсынылды. Музыка мәдениетін танытуда сіңірген зор әнші Болат Сыбановтың орындауындағы «Ақбұлақ», «Таң самалы», «Ғашықтар термесі», «Жан ана», «Әке туралы», «Отан туралы ән» әндері Қазақ теледидары мен радиосының алтын қорына кірді. Хас шеберлікпен орындалатын бұл әндер тіпті Түркия, Швеция, Германия, Моңғолия мен Қытай елдерінде де өз көрерменін тапты. Оның есімі тума талант, сан қырлы актер, сазгер ретінде де танымал. Бүгінде ол жазған 30-дан астам ән ел арасына кең тарады. Мәдени шара «Еураз-Шоу» ән-би театрының өнерпаздарымен бірлесе өткізіліп, театр әншілері мен бишілері ән мен жырдан шашу шашып, өз өнерлерімен ауыл тұрғындарын тәнті етті. «Еураз-Шоу» ән-би театрының директоры Ғибрат Азубаев Мәдениет Ешекеев жайлы қызықты естеліктерімен бөлісті. Ауыл тұрғындары өткізілген мәдени шараға зор ризашылықтарын білдіріп, алғыстарын айтты..