Өлкетану қонақжайы: кездесу
2018 жылдың 21 қаңтарында Абай атындағы әмбебап кітапханасында «Өлкетану қонақжайының» тұсаукесері өтті. Бұл қонақжай «Прииртышье» өлкетану қоғамы, «Туған қалам» қоғамдық қоры мен Абай кітапханасының бірлескен жобасы. Аталмыш жоба өлкеміздің, қаламыздың тарихын, архиологиясын қызықтыратын адамдарды біріктіріп, клуб қағидасы бойынша жұмыс жасайды. Қабырғасы енді қаланған қонажай мынадай бағыттар бойынша жұмыс жүргізеді:
– «Өлкетанушылар қоржынынан», өлкетанушылардың қызықты зерттеулері мен археологиялық табыстары жайлы;
– «Өлке зерттеушілерімен кездесу» бағыты клуб мүшелерінің бір-бірімен жақынырақ танысуына, өз білгендерімен қала тұрғындарымен бөлісуге, қызықты коллекциялары жайлы әңгімелеу;
– «Кітапхананың сирек қорынан» бөлімі қала тұрғындарын кітапханамыздың сирек қорында сақталған ХІХ ғасырдың соңы мен ХХ ғасырдың басында шыққан өлкеміз жайлы әдебиеттермен таңыстырып, өлкеміздің тарихы жайлы білімдерін тереңдете түсуіне көмегін тигізу.
Шара барысында өлкетану қоғамының мүшесі Ольга Андреевна Исаева «Прииртышье» өлкетану қоғамының атқарып отырған жұмыстарына тоқталып өтті. «Прииртышье» қоғамының мүшесі Павел Николаевич Жуков пен Марат Сасанов, шара қоңақтарына өлкеміздің тарихына байланысты өздерінің жүргізген зерттеулері, Семей өңіріне жасаған экспедициялары жайлы әңгімелеп берді. Өлкетану қоғамының мүшелері кітапханамыздың қорында сақталған «Орыс Географиялық қоғамының Батыс-Сібір бөлімінің» жыл сайынғы жазбаларына жасалған шолуда, Семей өлкесіне жер аударылып келген социал-демократтар мен қазақ зиялыларының, өлкеміздің тарихын, экономикасын, этнографиясын зерттеген еңбектері мен таныстырды.
Жергілікті балалар жазушысы, ақын, журналист, Евгений Титаев «Өлкетану қонақжайының» алғашқы қонағы болып, өзі жайлы, өлкеміздің әдебиеті жайлы әңгімелеп, өзінің өлеңдерін оқып берді. Қонақтар назарына Эльдана Таурбаеваның орындауындағы Евгенй Титаев пен Дәмеш Омарбаевалардың сөзіне жазылған қаламыз жайлы екі ән ұсынылды.
Осы шараға орайластырылып, Семей қаласының маңындағы археологиялық қазба жұмыстары барысында табылған заттар мен кітапханамыздың сирек қорындағы өлкеміз жайлы ұйымдастырылған көрмелер толықтыра түсті. Кездесу соңында қатысушыларға қаламыздың 300 жылдығына арналған күнтізбелер мен бетбелгілер таратылды.
