Өлкетану қонақжайы
2018 жылдың 18 ақпаныңда Абай кітапханасының «Өлкетану қонақжайы» кезекті отырысын өткізіп, өлкеміздің тарихын зерттеушілер мен әуесқой зерттеушілердің басын қосты. Осы жолғы кездесудің негізгі тақырыбы, қаламыздан 70 шақырым қашықтықтағы Делбегетей таулары болды. Жергілікті өлкетанушы Павел Николаевич Жуков шара қонақтарына Делбегетей тауларындағы жартастағы жазулар мен археологиялық қазба жұмыстары кезіңде табылған олжалары туралы, Делбегетей таулары мыс, қалайы қазбаларына бай болғандықтан айналасында орналасқан көне шахталар көптеп табылатындығын айтып берді. Негізінде қалайы кен орындары өте сирек кездеседі екен. Осыған байланысты «Шығыс Қазақстандағы мыс пен қалайы қазбалары» деген бағдарлама аясында, неміс ғалымдары мен қазақстан ғылымдары бірлесе отырып, археологиялық қазба жұмыстарын жүргізіп өз зерттеулерің бірнеше маусым бойы жүргізген. Делбегетей тауларындағы кейбір петроглифтер шын мәнісінде өз сиректігімен таңғалдырады, олардың арасында қар барысы мен күн бейнелі свастиканың суреттері де бар. Өлкетанушы Делбегетей тауларына байланысты өте қызықты жайттарды тыңдаушыларға айта отырып, осы айтылғандарға дәлел ретіңде фотосуреттерден жасақталған көрмемен толықтыра түсті.
Абай атындағы кітапхана қызметкерлері қонақтарға кітапханамыздың сирек қорында сақталған 1904 жылы жарық көрген Аустин Уоддельдің «Лхасса и ее тайны» кітабымен таңыстырып, автордың британдық әскери-экспедициялық жасақтың мүшесі болғандығы жайлы айтып берді. Кітап 19 ғасырдың ортасына дейін беймәлім болған Тибет елінің географиялық, этнографиялық және табиғатын өте егжей-тегжейлі сипаттаған сирек басылымдардың бірі болғандығымен қатар, Тибетке алғашқы болып саяхат жасаған саяхатшылар мен осы кітаптың авторы жайлы да қызықты мағлұматтар қатысушылардың қызығушылығын тудырды.
Өлкетану қонақжайының осы жолғы отырысында қаламыздағы әртүрлі коллекция жинайтың коллекционерлердің бір-бірімен танысып, өз қызығушылықтары бойынша жинаған жәдігерлерін көрсетті. Олардың арасында: куклалар, сыра тығындары, маркалар, осы өлкеден табылған көне тыйындар, 19 ғасырда лауазымды тұлғалар таққан төс белгілер, әкелі-балалы Өмірбековтар тапқан мамонт тұмсығы қала жұртшылығының таңданысын тудырды.
Шара соныңда қонақтарға шәй ұсынылып, дастархан басында өздерінің алған әсерлерімен бөлісіп, келесі кездесудің тақырыбын белгілеуге өз ұсыныстарын жасады.
