Балаларға бүкіл әлемді сыйлаймыз: мерекелік шара

2013 жылы 1 маусымында Шығыс Қазақстан облыстық Абай атындағы әмбебап кітапханасының қызметкерлері Семей қаласындағы Орталық демалыс паркінде, 1 маусым – халықаралық балаларды қорғау күні шарасына орай  саябақта «Балаларға бүкіл әлемді сыйлаймыз» атты мерекелік шара ұйымдастырды.

Өткізілген уақыты: 1 маусым 2013 жылы. Өткізілген орны: Семей қаласындағы Орталық демалыс паркі. Қатысушылар: Қаладағы №6, 37, 28 мектеп және қала қонақтары. Мақсаты: балалардың шығармашылық қабілеттіліктерін дамытып, туған елін танып білуге қызығушылықтарын арттыру. Күтілетін нәтиже: оқушыларды кітап оқуға баулу, оқу мәдениетін арттыру.

2013 жылы 1 маусымында Шығыс Қазақстан облыстық Абай атындағы әмбебап кітапханасының қызметкерлері Семей қаласындағы Орталық демалыс паркінде, 1 маусым – халықаралық балаларды қорғау күні шарасына орай  саябақта «Балаларға бүкіл әлемді сыйлаймыз» атты мерекелік шара ұйымдастырды. Мәдени шаралар флэшмоб түрінде ұсынылды. Шара барысында балаларға мерекенің шығу тарихы туралы қысқаша мағлұмат берілді. «Бақыт, күн, достық» сайысында балалар асфальтке сурет салса, «Жұмбақтың жауабын тап» сайысында балалар жануарлар, өсімдіктер, табиғаттың сырлы беттерінен жұмбақтар шешіп белсенділік танытты.

“Ең күшті” және «Логика» жарыстарында балалардың ойлау қабілеттерін дамытатын сұрақтар қамтылып, жауаптары тыңдалып, қорытындыланды. Сонымен қатар, «Планетаға бейбітшілік, балаларға бақыт» кітап көрмесінен балалаларды қызықтыратын сауалдарға жауап берілді. Балалар түрлі сайыстарға, ойындарға белсенді қатысып, сыйлықтар алды. Кітап көрмесіне 32 балалар жазушыларының кітаптары қойылды.