Кәсіби әлемде: жаңа материалдарға шолу
2013 жылы 13 маусымында Шығыс Қазақстан облыстық Абай атындағы әмбебап кітапханасында кітапханашы мамандардың кәсіптік біліктілік шеберлігін жетілдіру мақсатында «Кәсіби әлемде» жаңа материалдарға шолуы ұйымдастырылды.
Өткізілген уақыты: 13 маусым 2013 жыл. Өткізілген орны: Шығыс Қазақстан облыстық Абай атындағы әмбебап кітапханасының Интернет орталығы. Қатысушылар: кітапхана қызметкерлері. Қатысушылар саны: 17. Шараның мақсаты: кітапхана қызметкерлерінің кәсіби білімін кеңейту. Күтілетін нәтиже: кітапханашылар алған ақпараттарын кәсіби қызметтерінде қолдану және өз шығармашылықтарын дамыту.
2013 жылы 13 маусымында Шығыс Қазақстан облыстық Абай атындағы әмбебап кітапханасында кітапханашы мамандардың кәсіптік біліктілік шеберлігін жетілдіру мақсатында «Кәсіби әлемде» жаңа материалдарға шолуы ұйымдастырылды. Ақпарат беру шарасына Абай атындағы кітапханасының 17 кітапханашы маманы қатысты. Қазіргі кітапхана қызметінің түрлі аспектілері болып табылатын «Электронды ресурстар», «Кітапханалық сайттар», «Кәсіби ақпараттарға шолу», т.б. тақырыптар шараның арқауы болды. Жұмыс барысында кітапхана қызметінде электрондық ақпаратты іздестірудің тиімді тәсілдерін үйрену, өлкетануға байланысты ақпараттарды жылдам, әрі тез таба білу жайында және оларды кәсіби қызметінде қолдана білу туралы «Кітапхана әлемі», «Кітапхана», «Библиотековедение» кітапханалық журналдарға шыққан материалдар ұсынылды. Бұл басылымдарда дәстүрлі жұмысынан басқа «Кәсіби қызметте Интернетті қолдану», сондай-ақ «Кітапхана қызметінде түрлі интерактивті шаралар ұйымдастыру», «Шара өткізу барысында қолданылатын ақпараттарды дайындау» деген сұрақтар бойынша мақалалар туралы ақпарат берілді. Кітапханашы мамандарға электронды кітапханалық қорлар туралы, қазіргі таңда Интернетті қалай тиімді пайдаланудың маңыздылығы жайында, электронды библиографиялық дерекқорлар туралы http://www.library.ru, http://nppir.ru/ сайттарында жарияланған қысқаша ақпараттар берілді. Сонымен бірге әлемдегі танымал кітапханалары туралы қызықты слайд-шоу ұсынылды. Өлке тарихы мен мәдениетіне байланысты ақпараттарды іздестіруді ұйымдастыруда екі облыстық кітапханалар сайттарының http://www.semeylib.kz, http://www.pushkinlibrary.kz жаңалықтары ұсынылды. Кітапханашылар шолу арқылы алған ақпараттарын өздерінің кәсіби қызметтерінде пайдалануына мүмкіндік алды. Өткізілген жаңа материалдарға шолу кітапханашы мамандардың кәсіптік шеберлігін жетілдіруде көмегін тигізеді деп сенеміз.