ABC party: ойын-байқау

2013 жылдың 13 маусымда Шығыс Қазақстан облыстық Абай атындағы әмбебап кітапханасы балалаларға арналған ағылшын тілінен «ABC party» іс-шарасын «Жазғы демалыс» акциясы аясында ұйымдастырды.

Өткізілген күні: 13 маусым 2013 жыл. Өткізілген орны: Шығыс Қазақстан облыстық Абай атындағы әмбебап кітапханасының шетел әдебиеттер бөлімі. Қатысушылар: қаламыздағы «Қуаныш» балабақшасының бүлдіршіндері. Қатысушылар саны: 25. Мақсаты: балалалардың ағылшын тіліне деген қызығушылығын қалыптастыру, ойлау қабілетін дамыту.

2013 жылдың 13 маусымда Шығыс Қазақстан облыстық Абай атындағы әмбебап кітапханасы балалаларға арналған ағылшын тілінен «ABC party» іс-шарасын «Жазғы демалыс» акциясы аясында ұйымдастырды. Ағылшын тілін үйрену көп еңбектілікті және талаптылықты қажет етеді. Қазіргі уақытта ағылшын тілін білсеніз шет елдерге саяхатқа шығып, адамдармен сөйлесіп, олардың мәдениеті, тарихы және де өзіңізге қажет ақпаратты ала аласыз. Ағылшын тілі дүниежүзілік тіл. Қазіргі уақытта біздің елде де ағылшын тілінің маңызы зор. Себебі еліміз шет елдермен барлық салада тығыз қарым-қатынас жасап, тәжірибе алмасуда. Елбасы Н.Ә.Назарбаев ағылшын тілін білу керек екенін жолдауында жариялады. Осы мақсатпен мектептерде, балабақшаларда, жоғарғы оқу орындарында ағылшын тілін тереңдетіп оқытып, іс-шаралар жүргізіліп жатыр. «ABC party» ағылшын әліпбиі туралы іс-шарасы үш тілде болды: қазақ, орыс, ағылшын. Балалар ағылшын тілі әріптерін оқып, әр әріпке ағылшынша өлен, ән орындады. Ойлау қабілетінің дамуына байланысты әріптерден, сөздерден ойындар ұйымдастырылды. Іс-шара соңында «Қуаныш» балабақшасының «Балбөбек», «Балдәурен», «Нұр-ай» топтарына ерекше белсене қатысып, ағылшынша білімдерін көрсеткені үшін, кітапхана директоры А.Ә.Шаймарданова «Мақтау» қағаздарын табыс етіп, келешекте Қазақстанның кемел азаматтары болуларына тілек білдірді. Сонымен қатар кітапхана атынан алғыс ретінде бүлдіршіндерге тәттілер таратылды.