Балалар кітабының қаламгері: буктрейлер

15 қараша күні Абай кітапханасында №31 ЖОББ мектептің 3 «В» сынып оқушыларына орыс жазушысы, мультипликациялық және  ғылыми фильмдердің режиссері, драматург Николай Николаевич Носовтың туғанына 110-жыл толуына орай  «Балалар кітабының  қаламгері» атты буктрейлердің тұсаукесері өткізілді.

Николай Носовтың шығармалары балалардың бойында әдептілік, еңбекке құштарлық секілді қасиеттерді оятуға көп көмегін тигізеді. Сондықтан да болар, оның кітаптары балалардың өте үлкен аудиториясын жинай алды. Жазушының «Көңілді жанұя», «Коля Синицынның күнделігі», «Витя Малеев мектепте және үйде» әңгімемелері танымалдылыққа ие болады. 1952 жылы Николай Носов «Витя Малеев мектепте және үйде» шығармасы үшін мемлекеттік жүлде алды.

Шара барысында жазушының өмірбаяны және шығармашылығы туралы ақпараттар берілді, жазушының әңгімелері бойынша жасалған буктрейлердің көрсетілімі ұсынылды, «Мишаның ботқасы» әңгімесі дауыстап оқылып, ондағы оқиға желісі қызу талқыға түсті. Жас оқырмандарымыз қойылған сұрақтарға қызығушылықпен жұмыла жауап беріп, Н. Носовтың шығармаларын сүйіп оқитындарын байқатты. Әсіресе «Дымбілмес және оның достарының оқиғасы» атты шығармасын барлығы дерлік білетіндерін жарыса жеткізді. «Жанды қалпақ», «Қиярлар», «Таңғажайып шалбарлар», «Мишаның ботқасы» «Бақша күтушілер», «Қиялшыл» әңгімелері бойынша балалар өз оқығандарымен бөлісті. Әдеби ойын барысында балалар жасырын әңгімелерді тауып орындарына қойды, викториналық сұрақтарға жауап беріп белсенділік танытты.

Іс-шара соңында «Николай Носовтың кітаптарын оқимыз» атты кітап көрмесіне қойылған әдебиеттерге шолу жасалынды.