Ауыл кәсіпкерлігін қолдаудың онлайн-орталығы: ашылу рәсімі
2013 жылдың 21 маусымында ШҚО Абай атындағы әмбебап кітапханасының қызметкерлері Мұқыр ауылдық кітапханасында онлайн орталығының ашылу рәсіміне қатысып қайтты.
Өткізілген күні: 2013 жыл 21 маусым. Өткізілген орны: Мұкыр ауылының кітапханасы. Қатысушылар: БҰҰ Даму бағдарламасының қызметкерлері, ауыл әкімшілігі, ауыл тұрғындары, ауыл кәсіпкерлері, ШҚО Абай атындағы әмбебап кітапханасы, Семей қалалық кітапханасы қызметкерлері. Қатысушылар саны: 30 адам. Шараның мақсаты: қазіргі жаһандану заманында ауыл тұрғындарының әлеуметтік және экономикалық белсенділігін көтеруде виртуалды онлайн-орталығын ашу. Күтілетін нәтиже: ауыл кәсіпкерлері мен ауыл тұрғындарын компьютерлік сауаттылыққа дағдыландыру және қажетті ақпараттарын қашықтап пайдалана алуын қамтамасыз ету.
2013 жылдың 21 маусымында ШҚО Абай атындағы әмбебап кітапханасының қызметкерлері Мұқыр ауылдық кітапханасында онлайн орталығының ашылу рәсіміне қатысып қайтты. «Ауыл кәсіпкерлерін қолдаудың онлайн орталығы» жобасы облыс әкімінің бастамасымен 32 кітапханада ашылды. Жобаның бас демеушісі – БҰҰ даму бағдарламасы бойынша компьютерлік және проекциялық құрал-жабдықтар мен көбейткіш техникалармен қамтамасыз етудегі техникалық қолдау. Сонымен қатар, жоба серіктестері кәсіпкерлер мен бизнес-кеңесшілер, облыстық жастар ісі жөніндегі басқармасы, жұмыспен қамту және әлеуметтік бағдарлама мекемелері. Онлайн орталықтар жұмысын үйлестіруші мекемелер: А.С.Пушкин атындағы облыстық кітапхана және Шығыс Қазақстан облыстық Абай атындағы әмбебап кітапханасы. Облыстық Абай атындағы әмбебап кітапханасы тарапынан ауыл кітапханасына материалдық және әдістемелік көмектер көрсетілді: кітапханаға стеллаж, шкафтар, кітаптар берілді, барлығы – 70. Сонымен қатар, облыстық Абай атындағы әмбебап кітапханасының әдіскерлері кітапхана жұмысын жетілдіруде үнемі әдістемелік және библиографиялық көмектер көрсетеді: жылдық есеп құру, жүргізілген шаралар хаттамасы, ұсыныс тізімдерін жасау, компьютерлік бағдарламаларды пайдалану ережелерін білу және жұмыс жасай алу т.б. Онлайн-орталықтарының ашылуын ұйымдастыруда да кітапханашыларға көптеген әдістемелік көмек көрсетілді.
Онлайн-орталық тұсаукесер рәсіміне қатысушы қонақтар А.С.Пушкин атындағы облыстық кітапханадан онлайн-құттықтауларын қабылдады және шараға қатысқан әріптестері де жылы лебіздерін айтты. Облыстық Абай атындағы әмбебап кітапханасы онлайн-орталық жұмысына жетістіктер тілей отырып, алдағы уақытта бірлесіп жұмыс істеуге шақырды.