Менің достарым – кітаптар: әдеби лото

Сәуірдің 19 күні Абай атындағы кітапхананың балалар бөлімінде Н.Г.Чернышевский атындағы  №1 ЖББО мектептің оқушыларына «Менің достарым – кітаптар» атты  әдеби лото өткізілді

Іс-шара  23 сәуір – Дүниежүзілік кітап және авторлық құқықты қорғау күні мерекесіне орай ұйымдастырылып отыр.

1995 жылы Парижде өткен ЮНЕСКО-ның Бас конференциясы бұл күні кітаптар мен авторларға құрмет білдіру туралы шешім қабылданып, 23 сәуір – «Дүниежүзілік кітап және авторлық құқықты қорғау күні» болып жарияланды.

Мәдени шараның мақсаты:  балалардың кітап оқуға деген сүйіспеншілігін ояту, кітап – жанұяның  бос уақытын өткізудегі ең бір ажырамайтын бөлігі екендігін көрсету, баланы кішкентай кезден кітап оқуға баулу. Іс-шарада Дүниежүзілік кітап күнін атап өту тарихы, өскелең ұрпақтың өміріндегі кітаптың маңызы, сүйікті жазушылардың өмірбаяндарынан қызықты деректерден ақпараттар берілді.

Іс-шараны өткізу барысында қатысушылар төрт топқа бөлініп, әр команда үшін бірнеше кезеңнен тұратын тапсырмалар берілді. Көрермендер үшін  «Ертегілерді білесіз бе?» атты электронды лото – ойыны өткізілді.

Шара барысында жас оқырмандарға «Мерейгер кітаптар» атты кітап көрмесі дайындалып, шолу жасалынды. Биылғы жылы балаларға арналып бірнеше ұрпақтар жалғастығы оқыған шығармалардың жазылғанына және кітаптардың жарыққа шыққанына мерейтойлы жыл болып отыр. Осыған орай кітапхана қызметкерлері жас оқырмандарды П.Бажовтың «Малахитовая шкатулка» (80 жыл), Д. Дефоның «Жизнь и удивительные приключения Робинзона Крузо» (300 жыл),  А. М. Волковтың «Волшебник Изумрудного города» (80 жыл) осындай мерейтойлы  кітаптары және шығармаларымен таныстырды. Сонымен қатар көрмеден кітапсүйер қауымды қорға келіп түскен жаңа басылымдардан ақпараттар алды.