Пайдалы мобильді қосымшалар: тренинг

Мобильді қосымша – смартфондарда, планшеттерде және басқа да мобильді құрылғыларда жұмыс істеуге арналған бағдарламалық қамтамасыз ету. Олардың қажеттілігі ұялы телефондар мен GPS ойындары, байланыс, бейне көру және Интернетті пайдалану сияқты басқа да салаларда кеңейді. 2019 жылғы осы тақырыпта пайдаланушылардың жеке сұранысы бойынша үш курс өткізілді. Міне, 17-19 сәуір аралығында зейнеткер Грязнова Розалия Николаевнаның өтініші бойынша тағыда жеке курс ұйымдастырылды. Курс бағдарламасына күнделікті өмірде пайдаланушыларға пайдалы болатын мобильді қосымшалар кірді: Еgov.kz – мобильдік қосымша, тіркеуді “электрондық үкімет” порталы арқылы өтуге болады. Мемлекеттік қызмет алу үшін egov.kz электрондық цифрлық қолтаңба (ЭЦҚ) болу керек.

DamuMed – мобильді қосымшаның көмегімен пайдаланушылар қабылдауға жазыла алады немесе дәрігерді үйге шақыра алады, жазылған рецепттер мен зертханалық зерттеулердің нәтижелерін көруге, аурухана парақтарын көшіріп алуға болады. Рost.kz – “Қазпошта” мобильдік қосымшасы, мобильдік операторлардың қызметтерін, коммуналдық қызметтерді төлеуге және Қазпошта бөлімшелерінде кезекті брондауға мүмкіндік береді. Soyle.kz – қосымша қазақ тілін үйренуге арналған, пайдаланушыларға 20 сабақ ұсынылған. SmartTravel KZ – шетелде жүрген қазақстандықтар үшін арналған сервис. Қазақстан азаматтарының қауіпсіздігін қамтамасыз ету, сондай-ақ жедел жәрдем және көмек көрсету үшін құрылған. СityBus – телефонда Citybus қолданбасы бола отырып, өтіп бара жатқан адамдардан қай автобуста қайда баратынын сұрамауға болады. Мобильді қосымша қаладағы қоғамдық көлік қозғалысын бақылауға мүмкіндік береді. OLX.kz – Қазақстандағы ең ірі хабарландыру сервисі. Оқу барысында Розалия Николаевна кейбір техникалық қиыншылықтарына қарамастан, алған білімін жақсы көрсете алды.