Бір халық- бір ел, бір тағдыр: кең көлемді кітап көрмесі

Жыл сайын 1 мамыр – Бірлік, Ынтымақ күні мерекесінде Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды.

Осыған орай 26 сәуір күні Абай атындағы әмбебап кітапханасында Қазақстан халқының бірлігі, ынтымағы туралы кітаптармен таныстыру арқылы оқырмандар арасында этностар достығы, мәдениеті мен әдебиетін дәріптеу мақсатында кітапхана пайдаланушыларына, студенттерге арналған «Бір халық – бір ел – бір тағдыр» атты екі бөлімнен тұратын кең көлемді кітап көрмесі жасақталды.
«Ынтымағы жарасқан, туған өлкем» деп аталатын бірінші бөлімде ұлтаралық достық, Қазақстандағы этносаралық қатынастар, қазақ диаспорасы жайында кітаптар мен мерзімді басылым беттерінде жарық көрген мақалалар топтамалары,
«Қазақстан халықтарының әдебиеті» атты екінші бөлімде тәуелсіз мемлекеттер достастығы ақын жазушыларының қаламынан туған өзбек, тәжік, қырғыз татар ақын-жазушыларының көркем туындыларымен, өнер майталмандарының өлең-жырларымен толықтырылды.
Көрмеде көп ұлтты Қазақстан халқының бейбіт өмірін сомдайтын, тарихын қамтитын, бірлігін бейнелейтін Н.Назарбаевтың «Қазақстан халқының ассамблеясы», Қапаз Еламановтың «Шаңырақ пен пырақ», «Тағдырлары табыстырған халықпыз», «Моя планета – Казахстан», «Депортированные в Казахстан народы: время и судьбы», «Бірлігі жарасқан біздің үй», «Қазақстан – қарашаңырағым», «Н.Назарбаев – этносаралық және конфессияаралық келісімнің қазақстандық үлгісінің негізін қалаушы, қазақ диаспорасы: бүгіні мен ертеңі» т.б. кітаптары орын алып, оқырмандар назарына ұсынылды.
Сіздерді кітап көрмесімен танысуға шақырамыз!