Father’s Day – Әкелер күні: ақпарат сағаты

2013 жылдың 27 маусымында Шығыс Қазақстан облыстық Абай атындағы әмбебап кітапханасында «Father’s Day» – «Әкелер күні» ақпарат сағаты ұйымдастырылды.

Өткізілген күні: 27 маусым 2013 жыл. Өткізілген орны: Шығыс Қазақстан облыстық Абай атындағы әмбебап кітапханасының шетел әдебиеттер бөлімі. Қатысушылар: Кітапханамыздың оқырмандары, ағылшын тілі курсына қатысушы студенттер. Қатысушылар саны: 12. Мақсаты: Студенттерді ағылшын тіліне қызығушылығын арттыру, Американың мәдениетімен, салт-дәстүрімен таныстыру.

2013 жылдың 27 маусымында Шығыс Қазақстан облыстық Абай атындағы әмбебап кітапханасында «Father’s Day» – «Әкелер күні» ақпарат сағаты ұйымдастырылды. Әр жыл сайын маусым айының үшінші жексенбісінде АҚШда жанұялық мейрам «Әкелер күні» аталып өтеді. Вашингтондағы Спокейн штатында 1910 жылы 19 маусымында Соноре Доддке арналып тойланды. 1956 жылы Конгрес Ұлттық Әкелер күні ұйымының қажет екені туралы шешім қабылдады. 10 жылдан кейін АҚШ президенті Линдон Джонсон маусым айының үшінші күнін «Әкелер күні» деп жариялап үндеу қағазына қол қойды. 1972 жылы АҚШ президенті Ричард Никсон Әкелер күнін ресми түрде белгіледі. «Father’s Day» шарасы ағылшын тілінде ұйымдастырылды. Қатысушылар ағылшын тілінде өздері және Американың ұлттық мейрамдары туралы айтты. Ақпарат сағаты кезінде студенттер «Father’s Day» мейрамы туралы ақпарат алды. Осы күні жанұяда әкені құрметтеп, силықтар береді. Америкада тірі әкелерге қызыл роза гүлін берсе, өмірден қайтқан әкелерге ақ роза гүлін қояды. Әр қатысушы өз әкелері туралы айтып, сипаттады. «Әке» деген сөзді, әкеге қатысты әнді, өлеңді, әңгімені естіген кезде жігерленбейтін қуаттанбайтын жан жоқ шығар. Бұл өмірде «Әке» деген осынау үш әріптен құралған сөзде қаншама айдынды да асқақ, салмақты да жігерлі, қайратты да мәртебелі мағына. Әке – асқар тау. Отбасында әкенің орны бөлек. Әке – сол шаңырақтың бар ауыртпалығын көтеретін, асырап-бағуға да, жақсы тәлім-тәрбие беруге де міндетті адам. Әке – бала үшін асқар тау. Әке қамқорлығы дегеніміз – отбасы мүшелерін әртүрлі пәле-жаладан қорғап отыратын қасиетті ұғым. Әке – ұрпақтың панасы, үйдің басшысы, әрі тәрбиешісі. Ол тек бір отбасының ғана емес, ауылдың, рудың қамқоршысы, ел ағасы. Өмірге келген баланың әрбір сәтті қадамы әке үшін үлкен мәртебе, зор мақтаныш болмақ. Сондықтан да әке ақылымен жүру, ешкімнің ала жібін аттамай, адал ғұмыр кешу баланы тек жақсы болашаққа ғана әкеледі. «Әкеге бағыну – Аллаға бағыну» депті Мұхаммед пайғамбарымыз. Демек, әкені ренжітпей оның айтқанының үдесінен шығып отыру әрбір перзенттің басты парызы екен. Сондықтан әкені сыйлау, оған үлкен құрметпен, ілтипатпен қарау баланың парызы болмақ. Көрмеде 12 кітаптар және 11 суреттер қойылды.