Қазақ әнінің ақбұлағы – Болат Сыбанов

4 шілде 2013 жылы Шығыс Қазақстан облыстық Абай атындағы әмбебап кітапханасының «Өнер өлкесінде» клубының аясында «Қазақ әнінің ақбұлағы – Болат Сыбанов» атты көркемделген кітап көрмесі жасақталып, тұсаукесері ұйымдастырылды.

Өткізілген күні: 4 шілде 2013 жыл. Өткізілген орны: Шығыс Қазақстан облыстық Абай атындағы әмбебап кітапханасының өнер бөлімі. Қатысушылар: медициналық колледж студенттері, кітапхана пайдаланушылары. Қатысушылар саны: 11 адам. Шараның мақсаты: іс-шараға қатысушыларға Қазақстанның халық әртісі, жерлес ақын, композитор Б.Сыбановтың өмірі мен шығармашылығымен таныстыру. Күтілетін нәтиже: композитордың кітапхана қорында бар еңбектерінің алынып, оқылуына ықпал ету; музыкаға деген сүйіспеншіліктерін арттыру және эстетикалық тәрбие беру.

4 шілде 2013 жылы Шығыс Қазақстан облыстық Абай атындағы әмбебап кітапханасының «Өнер өлкесінде» клубының аясында «Қазақ әнінің ақбұлағы – Болат Сыбанов» атты көркемделген кітап көрмесі жасақталып, тұсаукесері ұйымдастырылды. Көрме жерлес өнер иесі белгілі композитор, Қазақстан Республикасының халық әртісі Б.Сыбановтың туғанына 75-жыл толуына орайластырылды. Болат Сыбанов – отандық өнер саласында ерекше орын алатын дарынды тұлға. Ол 100 ден аса музыкалық шығармалардың авторы және қазақ, татар, үнді және тағы басқа тілдерде әндерді домбыра мен баянның сүйемелдеуімен орындайтын тамаша орындаушы. Көрменің ашылу салтанатына композитордың жұбайы Үміт Сыбанова қатысып, өзінің Болат Сыбанов жайындағы қызықты, әрі әсерлі естеліктерімен бөлісті. Сонымен қатар ол кісі кітап қорына Болат Сыбановтың «Ән шырқайды» өлеңдер жинағы дискісін сыйға тарту етті. Кітап көрмесінде мерзімді басылымдар және кітаптар, композитордың шығармашылығы жайында жарияланған Интернет ресуртар қойылды. Кітап көрмесінде Болат Сыбанов «Өнер – менің өмірім», «Сағынды елің үніңді», Б.Тәжібаев. «Ақбұлақ» және т.б. басылымдар ерекше назарға ұсынылды. Кітап көрмесі 30-шілдеге дейін жалғасады.