Жыл бойы оқимыз: танымал кітаптар көрмесі

10 шілде күні оқырмандарға қызмет көрсету бөлімінде «Жыл бойы оқимыз» атты тақырыпта танымал кітаптар көрмесі ұйымдастырылды.
Танымал әдебиеттер көрмесіне қазіргі оқырманға қызықты болатын кітаптар топтамасы ұсынылды. Ұсынылған кітаптар топтамасында көркем әдебиеттің әр түрлі жанрлары әңгімелер, повестер, романдар, детективтер, фантастика, әр түрлі білім салалары бойынша ғылыми-көпшілік әдебиеттер орын алды. Әртүрлі білім саласындағы кітаптар жасөспірімдердің мінездері мен интеллектуалдық дамуының қалыптасуына үлкен көмек береді.

Көрмеге С. Шелдон, Э.Сафарли, П. Коэльо, Д. Роулинг «Гарри Поттер», Д. Толкин «Властелин колец», С. Экзюпери «Маленький принц», П. Коэльо «Алхимик», М Митчел «Унесенные ветром», Кинг «Зеленая миля», М. Булгаков «Мастер и Маргарита» т.б. әлем оқырманы үшін қызықты болған танымал кітаптар қойылды. Әлемдік әдебиеттермен қатар қазақ классиктерінің шығармалары ұсынылып, шолу жасалынды. Олардың қатарында М. Мағауин, І. Есенберлин, Қ. Жұмаділов, Ә.Нұршайықов, Р. Сейсенбаев және т.б. бар.