Шәкәрім және әлем әдебиеті: телебағдарлама

  • 18.07.2013

Шығыс Қазақстан облыстық Абай атындағы әмбебап кітапхананың қызметкерлері 2013 жылдың 18 шілдесінде «Сахараның дана ойшылы»: библио-шаңырақ жобасы аясында ТВК-6 телеарнасының «Атқан таңға ақ тілек» телебағдарламасына қатысты.

Өткізілген күні: 2013 жыл 18 шілде. Өткізілген орны: ТВК–6 телеарнасы. Қатысушылар: журналисттер мен кітапхана қызметкері. Қатысушылар саны: 4 адам. Шараның мақсаты: ғұлама ақынның 155 жылдық мерейтойына орай ақынның әлем әдебиетінен аударған аудармаларын телекөрермендерге таныстыру. Күтілетін нәтиже: кітапхана қорында сақталған ақынның шығармашылығы туралы басылымдарды өз шығармашылықтарына пайдалануын қамтамасыз ету.

13

Шығыс Қазақстан облыстық Абай атындағы әмбебап кітапхананың қызметкерлері 2013 жылдың 18 шілдесінде «Сахараның дана ойшылы»: библио-шаңырақ жобасы аясында ТВК-6 телеарнасының «Атқан таңға ақ тілек» телебағдарламасына қатысты. Кітапхана мамандары «Шәкәрім және әлем әдебиеті» тақырыбында жүргізушімен сұхбаттасып, телекөрермендерге кітапхана қорында сақталған басылымдардан мол мағлұматтар берді.
Шәкәрімнің шығыс, батыс және орыс классиктерінің шығармаларын ана тілінде сөйлеткені бәрімізге белгілі. Әлем әдебиеті классиктерінің туындыларын ұлттық тілге аудару ұлы ғұлама шығармашылығының елеулі бір саласы болды.
Шәкәрім орыс, Батыс әдебиетінің тамаша үлгілерін қазақ оқырмандарына таныстырды. Лев Толстойдың шығармаларын аса жоғары бағалап, өз халқын дүние жүзілік озат мәдениетін игеруге шақырды. Өзін ғұмыр бойы Толстойдың шәкіртімін деп санады. Онымен хат жазысып тұрды. Американ жазушысы Гарриет Бичер-Стоунның «Том ағайдың балағаны» романын, Толстойдың «Үш сауал», т.б. әңгімелерін, А.С. Пушкиннің «Боран», «Дубровский» повестерін қазақ тіліне аударды. Шығыс әдебиетінен Хафиз, Фирдоуси, Науаи, Сағди шығармаларын аударды. Шәкәрімнің осындай аудармалары жайында кітапхана қызметкерлері кең көлемде әңгімеледі.
Сондай-ақ телебағдарлама барысында Шәкәрім шығармаларының оқырмандарға насихатталуы туралы, кітапхананың дәстүрлі және электрондық каталогтағы «Шәкәрім» мәліметтер қоры, «Шығыс Қазақстан облыстық Абай атындағы әмбебап кітапханасы» сайтындағы «Шыңғыстаудың үш шыңы» айдарындағы ақынның өмірі мен шығармашылығы туралы қамтылып отырған мағлұматтармен қала жұртышылығын таныстырды.
Телекөрермендер Шәкәрім Құдайбердіұлының туғанына 155 жыл толуына орай «Сахараның дана ойшылы» тақырыбында Орталық саябақта өткізіліп жатқан онкүндік асяндағы шараларғы қатысуға шақырылды.