Абай мұрасы-мәңгілік мұра: көрме-шолу

  • 01.08.2013

Шығыс Қазақстан облыстық Абай атындағы әмбебап кітапханасы 2013 жылдың 1 тамыз күні жылдағы дәстүр бойынша, Ұлы тұлғаның туған күніне орай «Абай мұрасы-мәңгілік мұра» тақырыбында кітап көрмесін ұйымдастырды.

Өткізілген уақыты: 1 тамыз 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар саны 9.Қатысушылар: кітапхана пайдаланушылары. Шараның мақсаты: әлемге танылған тұлғаның шығармашылығы туралы ақпарат беру. Күтілетін нәтиже: Ұлы ақынның шығармашылығы жайлы кітапхана қорындағы әдебиеттер мен мерзімді басылымдар беттеріндегі дереккөздермен қамтамасыз ету.

Шығыс Қазақстан облыстық Абай атындағы әмбебап кітапханасы 2013 жылдың 1 тамыз күні жылдағы дәстүр бойынша, Ұлы тұлғаның туған күніне орай «Абай мұрасы-мәңгілік мұра» тақырыбында кітап көрмесін ұйымдастырды. Кітап көрмесіндегі дереккөздерден пайдаланушылар кемеңгер ақынның шығармаларын терең түсініп қана қоймай, Абайды қазақ халқының тарихындағы ұлы тұлғалардың бірі, өз заманының кемел қайраткері, ұлт мәдениетінің берік негізін қалаушы ретінде де танып білді.

01

Көрмеге Абай Құнанбаевтың «Шығармаларының екі томдық жинағы», «Мен бір жұмбақ адаммын оны да ойла», «Өкінішті көп өмір кеткен өтіп..», «Қара сөздері», «Абай дәстүрі және қазіргі қазақ әдебиеті» және т.б. шығармалары, «Егеменді Қазақстан» (2013 жыл 20 наурыз) газетінде жарияланған С.Мәметтің «Сарқыт сақталса ғана ұрпақ сабақтасы үзілмейді» тақырыбындағы мақаласы, «Ақиқат» (2013 жыл №2) журналының беттерінде жарық көрген

С. Ізтілеуованың «Абай шығармаларындағы тәрбие мәселесі» мақаласы, «Экспресс К» (2013жыл 15маусым) газетінде жарияланған Г.Асанованың «Слова созидания» мақаласында ақынның «Қара сөздерінің» алғаш рет Варшавада поляк тіліне аударылғаны тілге тиек етіліп, көрме ақынның шығармашылығына арналған т.б. әдебиеттермен толықтырылды.
Кітап көрмесі 1-10 тамыз аралығында пайдаланушыларға ұсынылады.